Litanaiit
Liturgiillo

Ill.

Nâlegak Gûde, atâtavut Kilangme,

Lit.

attît nertortaule; nâlegaunit Kailaule; pijomajat piniartaule nuname sôrlo Kilangme; uvlome piksaptingnik tunidsivigitigut; idluinivut issumagijungnaikit, sôrlo uvagut idluitullivigijivut issumagijungnaivigivaptigik; 2 ôktortaulungnermut pitinata; piulitigulle ajortomit!

Kor.

Nâlegauneĸ pitsartunerlo ânanaunerlo pigigangne issoĸangitomut

Ill.

Amen

Lit.

Nâlegak Gûd, Erneĸ, sillaksoarmiut piulijingat,

Ill.

illagênartigut!

Lit.

Nâlegaĸ Gûd, Anerneĸ ajungineĸ,

Ill.

issoĸangitomut najortigut!

Lit.

Kristuse, Gûdib saugârsunga,

Ill.

tussartigut!

Lit.

Kamanginermit akkiliutiksarsênernik toĸĸungniglo, ajôkertûsernit tammarnartunit tamainit, miklilertitsinermit nertordlerutigijaptingnik illingnik, angijorornermit pilloringnangitomit, nâmagasuginermit nangminiptingnik, siardlarnermit pijariaĸangitomit, tukkisilungnermit takkormôrnermillo, perajalungnermit Kuksalainartomit taĸsiornartomillônêt, Sâtanasib inuarasuarninganit 3 pingitsertorninganillo, ajornerub uiveriklerninginit, ajortunit tamainit, toĸĸub aipanganit.

Ill.

saputitigut, nagliktotit Nâlegak Gûdelo!

Lit.

Inôtsivit akkiliutiksarsêninginut tamainut pitsartutitigut, nagliktotit Nâlegak Gûdelo!

Lit.

Inûlernernut, nâlengnernut sorusiarsutut, ataruilinernut piniaraksarne, nikanasârnernut sinaungajuinernullo Kenuenernullo, pigârnernut tuksiarnernullo, Kugvingnut akkiliutiksarsênartunnut, Oĸausernut ingutaujunut, sakramenteĸotingnut ivsornaitoĸsôjungnut,

Ill.

pitsartutitigut, nagliktotit Nâlegak Gûdelo!

Lit.

Inôtsivit siorniorningita illunatik, ôktorluktaunivit, aklujoĸsônivit illinganivillo kivgatut, nachogijaunivit ivlerijaunginivillo, sangênivit âniadlarnivillo, tarnivit siadlerningat kappiasungningallo tamât, aulaumajârtitaunivit toĸĸomut, aungmik kitjijârnivit, Kellaksortaunivit, annaulertaunivit mittautigijaunivillo, issaĸajaunivit niaĸosertaunivillo kakkilauktelingnik, kikkiaktortaunivit nachonartub 4 senningajolingmut, ikkivit hailigit, aukpit akkitojub, toĸĸovit ivlernartub, merngoersernivit illuverme, sâlaĸarlutit makkinivit Kilaliarnivit ânanaudlartub, iksivalernivit Gûdib tallerpiata tungâne, tuksiutjinivit pitsartudlartub, najornivit nekoĸsinartub, tikkitsomârnivit uvaptingnut angerarĸojauniptalônêt illingnut

Ill.

manigorlitigut, nagliktotit Nâlegek Gûdelo!

Ill.

Ajortokullôjogut tuksiarvigivaptigit: tussalaungmitigut, nagliktotit Nâlegak Gûdelo

Lit.

Nâlegak Jêsuse Kristuse timivit piulijinga, takuksauletôĸ illagêktoĸotingne, Gûdeôgavit idluartunik illinganeĸarĸojijoĸ illûnâne; akkornganne Kuviasuklutit arvertalaurit; ajoĸertortigut tamapta atunit nâlektigêngnermik naglingnerme

Igluvut ittervigilaukkit innigivlugillo; nulliarêt saimakkit ivsornaitillugillo; 5 nutaĸĸat amâmaktullo Kaninginit nertornautiksarnik âĸiksoilaurit; (Piluartomik perĸovavut pairĸsinernut baptitauĸammertoĸ N. . . N. . . perorĸovlugo idluarijarnut

Sorutsivut inertertaunerme nâlektitaunermelo illingnik inugoijaulit; inôsungnivit ivsornaitub akkiliutiksarsêningata nukappiat niviarsiallo ivsornaitiligit; nullêtut uigasuillo anernernut sangijotilaukkit illumikkut; nullêrnerit uigarnerillo Kuviasungnerilitit nerriungnerilitillo piloringnartomik! Anernit ajungineĸ kovilauruk kivgarnut tamainut tarnivullo sujungaitikit, nâlektillugit mikseĸârnermik anernermut, Katangutinik nagligosurĸovluta takkomôrjuidluta!

Ill.

Tussalaungmitigut nagliktotit Nâlegak Gûdelo

Lit.

Inungnik naglingniktotit, illûnaita siorniortut nangianartomêtullo ikajukkit!

Kiksartut illerasuktullo tamaita manigukkit: inutoĸaujut illilertukkit; atâtauvlutit uigarnernut iliarsungnullo ikajukkit ajoĸsartullo pattangaitillugit. Kanimajuttauĸ pairikit ikpigitillugillo naglingnernik, inuillo toĸolerĸogungne, erĸailaurit ajornivut kissêtaungitut sillaksoarmiulle illûnatik ajorningit toĸojutigilaurangne. Illa, igvit Gûdeojotit tamainut, nertortaujotit issoĸangitomut, inungnut illûnainut piuliklerteôlilaurit, pingortitatit tamaita nâpkigikit, tamaita ilikut ullapĸoserlaurangne nangminernut nunamêtullo Kilangmêtullo.

Ill.

Tussalaungmitigut, nagliktotit Nâlegak Gûdelo

Lit.

Ajoĸertortigut issumaksarsiornermik toĸojuksauniptingnik âĸiksortigullo, angerarviksarserĸovluta piloringnartomik; illagêktunut pijarêrsimajunut illûnainut illagêngnermêtsainartitgut 7 issoĸangitomut sukutsianelo piniarniptingnit merngoerserĸattigêktitigut ikkingne!

Ill.

Tussalaungmitigut, nagliktotit Nâlegak Gûdelo (illagêt nikkoviput)

Lit.

Gûdib saugârsunga, sillaksoarmiut ajorninginik nangmartotit,

Ill.

nâpkigitigut

Lit.

Gûdib saugârsunga, sillaksoarmiut ajorninginik nangmartotit

Ill.

illagitigut

Lit.

Gûdib saugârsunga, sillaksoarmiut ajorninginik nangmartotit

Ill.

ullapirsautingnik uvaptingnêtitsilaurit

Lit.

Saugârsuk toĸotaujoĸ pissiarijivullo inuĸatigênit nunamêtunit tamainit, Nâlegaĸ tarniptingnik piniarutjilauĸtoĸ, illannâĸ nagligilauĸtivut ubvartivullo ajorniptingnit aungminut, toĸolauĸtoĸ pivluta atausiardlune uvagut toĸorĸovluta ajortunit, makkilauĸtoĸ pivluta uvaguttuaĸ makkerĸovluta, Kilalialauĸtoĸ pivluta iniksamik pijarêrsijomavlune uvaptingnut, nâlektaujorlo Engelinut sôngojunullo pitsartudlartunullo — tâmna nertortautsainarle soraingitomik illagêktune uttaĸĸijingine 8 najorninganêtunelo.

Ill.

Issoĸangitomit issoĸangitomut   Amen.

Lit.

Kitorngarsuit, tâpsomanêtsainarleritse, saĸĸijâlerpat Kuviasûteĸarĸovluta kangusugatalo tâpsoma sângane tikiviane.

Lit.

Nâlekab pitsartutilitit saputilitillo Nâlekab kênarminut Kaumaksarlitit saimartilitillo Nâlekab kênarminut Kollangiarlittit ullapirsautiminiglo tunitjivigilitit

Kor.

Jêsusib attingane

Ill.

Amen

Lit.

Gûde ĸotsingnermẽtoĸ nakoridlartaule, ullapirsauteĸarle nuname, inungnelo ĸuvianartoĸarle!

Ill.

Amen.

Lit.

Nâlegaĸ Jêsuse Kristuse oĸarpoĸ: Atâta tuksiarvigigupsiuk sumik attimne, tunitjiviginiarpase tamattominga. Tuksiaritse, tigusiniarpose tagva, ĸuviasungnise nãmakserĸovlugo.

Ill.

Nâlegaĸ Gûde, atâtavut ĸilangme; attît nertortaule; nâlegaunît ĸailaule; pijomajat piniartaule nuname sôrlo ĸilangme, uvlome piksaptingnik tunitjivigitigut; idluinivut issumagijungnaikit, sôrlo uvagut idluitullivigijivut 10 issumagijungnairvigigaptigik; ôktortaulungnermut pitinata; piulitigulle ajortomit!

Kor.

Nâlegauneĸ pitsartunerlo ânanaunerlo pigigangne issoĸangitomut.

Ill.

Amen.

(Illagêt ingiput.)

Lit.

Ilipse, Israêlib ĸitorngangit, perĸojat malligaksallo, oĸautigijakka uvlome siutipse sânganne, tussarsigik illiniarlugillo puigorniarasigiglo, tamakkoa malliklugit piniarĸovluse.

1. Uvanga Nâlegauvunga Gûdît, sennipkut assimnik Gûdeĸartuksaungilatit.

Ill.

Nâlegaĸ, namut aijuksauvitâ? Igvit oĸauseĸarpotit nungusuitomik inôgutelingnik.

Lit.

2. Inungoarmik adsingoarmiglõnêt senajuksaungilatit pivlutit, takpâne ĸilangmẽtub adsinganiglõnêt, ĸilaub attânẽtub nunamẽtub adsinganiglõnêt, nunab attânẽtub imânẽtub adsinganiglõnêt. Taimaitut tuksiarvigijaksaringilatit kivgartornagillo. Uvanga Nâlegaujunga Gûdît illungertudlarlunga Gûdêogama, atâtat idluitullininginik pidlarnikteojunga ĸitorngangine uvamnik ômisuktune ernerêt kingorlerêt pingajungit sittamangillo tikidlugit. Nâpkiningnermigle saĸĸertitsivunga tausendeoĸattartune 11 nagligijimne perĸojamniglo nâlektune.

Ill.

Gûde anerniovoĸ tuksiartingitalo anernerme mikseĸârnermelo tuksiarvigijaksarivât.

Lit.

3. Nâlekab Gûdivit attinganik attornerluktuksaungilatit, Nalekab pidlartailiniangimago attinganik attornerluktoĸ.

Ill.

Kia koksasugviginajangilâtît, Nâlegaĸ, attît nakorivlugo? Kissivit hailigeojotôgavit.

Lit.

4. Uvloĸ sabbateojoĸ erĸaruk, ivlerijaurĸovlugo ilingnut. Uvlut saksit kingorlerêklutik senajuksauvotit sulliaksatillo tamaita piniarlugit. Uvlulle sîbanganne Nâlekab Gûdivit sabbatinga nelliutivoĸ. Tagva sumiglõnêt senajuksaungilatit. Uvlune saksine Nâlekab ĸilak nunalo imarbiglo illũnaitalo imab illuanẽtut senalaungmagit, uvlullo sîbanganne merngoersilauĸpoĸ.

Ill.

Iglutit ânanâvaksôvut illa, Nâlegaĸ Zebaot. Uvloĸ attauseĸ iglorusingnêdlune nãmanersauvoĸ uvlunit assinginit tausendinit.

Lit.

5. Atâtangnik anânangniglo nâlektuksauvotit, akkunertomik inôniarĸovlutit nunanie, Nâlekab Gûdivit tunijangane ilingnut.

Ill.

Kristuse igsagaksamik ĸemailauĸpoĸ 12 uvaptingnut, tâpsoma tuminginik mallerĸovluse. Tâpsoma angajoĸângne nâletsiarpak.

Lit.

6. Inuartuksaungilatit.

Ill.

Nagliktigêlauĸta, naglingneĸ Gûdemit pingmat. Katangutiminigle ômisuktoĸ, tâmna inuartôvoĸ.

Lit.

7. Nulliarêngnermik asseroijuksaungilatit.

Ill.

Arvertarta illusitsiarikluta uvloĸsiortutitut; nerritunata tallanatalo, tachisimajune illokeudlarata, aivanatalo anerutsinatalo.

Lit.

8. Tigliktuksaungilatit.

Ill.

Imâk ĸaujimavogut: Tigliguillõnêt torĸuijullõnêt tallatullõnêt oĸauserludlartullõnêt arĸtaijullõnêt Gûdib nâlegauvinganik kingormgujiniangilat.

Lit.

9. Inôĸatitit saeglûtigivlugit oĸartuksaungilatit.

Ill.

Sâtanase saeglotujoĸsôngmat saeglonerublo atâtagivâ.

Lit.

10. Inôĸativit iglunganik pijomajuksaungilatit. Inôĸativit nullianganik kivganganiglo angumik kivanganiglo arnamik tuktuvaĸotinganiglo siuterĸortojoĸotinganiglo sunatuinarniglõnêt inôĸativit perĸutinginik pijomajuksaungilatit.

Ill.

Omamit erĸarsautekulluit anivut: inuarnerlo nulliarêngnermik asserorsainerlo 13 assiniarnerlo tiglingnerlo saegluteĸarnerlo mitauteĸarnerlo. Ahâk, ânanaudlarmêk takorannidlarmêglo, ĸatangutigêt issumaĸaĸatigêklutik iglomioĸatigêkpatta.

Lit.

Tamanna pijariaĸarnerojoĸ angnerlo perĸojaĸ: Gûdingnik Nâlegarnik nagliktuksauvotit õmatingnut tamânut tarningnullo tamânut issumangnullo tamainut. Aipangale tâpsotunaĸ-ipoĸ: Inôĸatingnik iliktut nagliktuksauvotit. Perĸojângnut ukkungnûnga maggûngnut perĸojat illũnatik illagêkput nellautaijullo aglaugit.

Lit.

Perĸojat Mosesekut tunijauvut, saimaneĸ mikseĸârnerlo Jêsuse Kristusekut pivuk.

Ill.

Imâk Gûdib sillaĸsoarmiut nagligingmagit, ernituarne tunivlugo, illũnatik okpertut tâpsomunga assiorĸonagit nungusuitomigle inôguteĸarĸovlugit.

Lit.

Tâmna nellautaijut illũnatik kigligiutigivât, okpertut tâpsomunga illũnatik tâpsoma attinganut issumangnarungnaitomik ajorninginit pilârmatta.

(Illagêt nikkoviput.)

Ill.

Okperpunga Gûdemut Atâtamut, ajugaĸangitomut, pingortitsijomut ĸilangmik nunamiglo.

Okperpunga Jêsuse Kristusemut, Gûdib ernituanganut, Nâlegaptingnut, Anernermit ajunginermit pijomut, uigasungmit Mariamit erniangojomut. Pontiuse Pilatuse attanerusiotillugo âniatitaujoĸ, senningajolingmut kikkiaktortaujoĸ, toĸovlunelo illijartortaujoĸ. Anernermigut ajoĸertuijartortoĸ anernernik parngnanairsimavingnẽtunik. Uvluk pingajuangne toĸungajunit makkitoĸ, ĸilaliarlunelo Gûdib Atâtab ajugaĸangitub tallerpiane iksivajoĸ. Tagvangat tikitsomârivoĸ inôjullo toĸungajullo erĸartoriartorlugit.

Okperpunga Anernermut ajunginermut, okpertunik ivsornaitisimajuniglo illagêktoĸartomik, ajortunit issumagijaujungnainermik, timillo makkitsomârningannik, inôtsemiglo issoĸarniangitomik.

Lit.

Nâlegapta Jêsusib Kristusib ĸilaliarĸârane illiniartine oĸautivait: Aileritse sillaĸsoarmut illũnânut inôĸatigêksuillo tamaita ajoĸertorsigik baptillugillo Atâtab Ernerublo Anernerublo ajunginerub attinganut.

Ill.

Okpertoĸ baptitaujorlo piulijaujomârpoĸ.

[Lit.

Taimaimat, Nâlegaĸ, perĸoluarpavut pairĸsinernut baptitaurĸamertoĸ N. N. perorĸovlugo idluarijarnut.

Lit.

Kaujimangilasê, illũnata Jêsuse Kristusemut baptisimajogut toĸunganut baptitaugapta? Taimaimat illijartortauĸatigimavavut baptijutekut toĸomut; sôrlo Kristuse toĸungajunit tupaktitaungmat Atâtab ânanaunersoanganut, taimaktauĸ uvagut inôsertâme arvertartuksauvogut.

[Umiaĸsoavullotauĸ illingajuksaungmatta nertornautingnut, Nâlegaĸ, oĸautsillo tussarnertut siamartitauninganut sillaĸsoarme illũnâne, taimaimat nelliutome tamattomane ĸenuvigivaptigit: tâpkoa inungillo saputilaukkit ingergarningine tamât, nangianartunut perĸonagit ĸanoenatiglo tikerĸovlugit aivigijamingnut.]

Lit.

Nâlegapta Jêsusib Kristusib unuarme taipsomane, pititaugame, ĸaĸĸôjaĸ tiguvâ, ĸujalivlunelo avgorpâ, illiniartiminullo tunivâ oĸarlunelo: Tigulugo nerrisiuk, tagva timiga tunijauniartoĸ pivluse; taimailioritse erĸaumajauniksamnut.

Ill.

Tamadja ĸaĸĸôjaĸ ĸilangmit tikitoĸ, tamattomangat nerrijoĸ toĸorĸonago.

Lit.

Taimaktauĸ ermgusiarsuk tigugivâ, nerrijarêramik, ĸujalivlunelo tâpkonunga tâmna tunivâ oĸarlunelo: Illũnase tagvangat imeritse! tagva auga, testamentitâb aunga, kovijauniartoĸ ilipse pivluse unuktullo pivlugit ajornerit issumagijaujungnairutiksanginut. Taimailioritse imilerangapsiuk erĸaupnajauniksamnut.

Ill.

Jêsusib Kristusib Gûdib erningata aungata ubvarpâtigut ajortunit tamainit.

Lit.

Uvinimnik nerrijoĸ aumniglo imertoĸ uvamnêtsainarpoĸ uvangalo tâpsomanêdlunga. 17 Uvinimnik nerrijoĸ aumniglo imertoĸ nungusuitomik inôguteĸarpoĸ uvangalo ômartitsomârpara uvlut naggatiksanganne.

(Illagêt nikkoviput.)

Saugârsuk toĸotaujoĸ nellopĸotijuksaungitovaksôjoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo. Iksivautaĸsoarme iksivajoĸ ĸujanarsile nâlengnarsivlunelo nertornarsivlunelo ajugauviojotôvlune issoĸangitoĸsoarmut.

Lit.

Nâlekab pitsartutilitit saputilitillo!

Nâlekab kênarminut ĸaumaksarlitit saimartilitillo!

Nâlekab kênarminut ĸollangiarlitit ullapirsautiminiglo tunitjivigilitit!

Kor.

Jêsub attingane

Ill.

Amen!

Lit.

Nâlegaĸ, Nâlegaĸ Gûde, nâpkigosuktotit saimavlutillo, kamangitsertortotit nagligosuktoĸsôvlutillo nellâgôrtoĸsôlarpillo, naglingnermik soĸosertailitsijotit tausendeoĸattartunut, idluinerniglo tappatonerniglo ajornerniglo issumagijungnairniktotit, pidlartailitsingitotille ĸaĸialerneĸangitunik — siutîkik manikiktôĸ tussarlutalo, ĸenuniptingnik ĸaitsigapta sângnut, idluarnivut pivlugoungitoĸ 20 nâpkigosungnille angijoĸsoaĸ malliklugo.

Ill.

Amen.

Lit.

Nâlegaĸ Gûde, atâtavut ĸilangme,

Ill.

attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit; Nâlegauneĸ pitsartunerlo ânanaunerlo pigigangne issoĸangi omut.   Amen.

Lit.

Nâlegaĸ Gûd, Erneĸ, sillaĸsoarmiut piulijingat,

Ill.

illagẽnartigut!

Lit.

Nâlegaĸ Gûd, Anerneĸ ajungineĸ,

Ill.

issoĸangitomut najortigut!

Lit.

Kristuse, Gûdib saugârsunga,

Ill.

tussartigut!

Lit.

Kamanginermit akkiliutiksarsênernik toĸungniglo,

ajoĸertûtsinit tamarnartunit tamainit,

ajortunit tamainit,

toĸub aipanganit

Ill.

saputitigut, nagliktotit Nâlegaĸ Gûdelo!

Lit.

Erniangonivit inuktut,

nâlengnivit toĸo tikidlugo,

ânianivit, ikkivit toĸovillo kassilinartub,

makkinivit ĸilaliarnivillo,

iksivalernivit Gûdib tallerpiata tungâne,

oĸautsivit sakramenteĸotivillo,

tikitsomârnivit uvaptingnut ânanaunerme

Ill.

manigorlitigut, nagliktotit Nâlegaĸ Gûdelo!

Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!

Lit.

Illagêktitatit ivsornaitut okpertut attaniotivigivlugillo tessiukkit!

Oĸautsit kikiaktortaunernik oĸâlajut illũnaine atternut taijaumajune atortautsainartilaukkit; senajuksanik nellâgôrtunik tilliklilaurit kattersoivingnut!

Ajoĸertuijersuit ajoĸertuijullo kivgartortillo illũnaita oĸautsinik âĸênartunik inôtsemiglo ivsornaitomik tunitjivigikit najorteĸainartillugillo; oĸausingit illaĸartikit anernerniglo pitsartunerniglo!

Oĸautsit ullapirsauteĸȧrtomik oĸâlajut uvlut naggatiksangannut uvaptingnêtsainartilaukkit; Gûdib ĸitorngangit tamaita anernermut attautsemut illagêktilaukkit, nagliktigêtsiarlutik issumaĸaĸatigêtsiarĸovlugit!

Inuĸotitit kattimaviksanik upkoaniglo angmajunik oĸautsinut tussarnertunut tunitjivigikit; sinaungasarnerit tamaita agviakkit uiveriklertullo tamaita ungasiktikit illagêktoĸotingnit!

Kaumakkit manigorlugillo kivgatit tamaita okpertunelo nellojunelo; apĸutiksangit âĸiksulaukkit sullivingillo nerrotutilaukkit, nellojut unurningit nãmaksisarailerĸovlugit!

Illagêngoĸativut nellojunit pijut saputilaukkit; inôĸatigêt Israêlitit piulilaukkit takpẽninginit; ĸanoĸtôĸ Ismaêlib kinguvângittauĸ inôlaurlit sângne!

Ill.

Tussalaungmitigut, nagliktotit Nâlegaĸ Gûdelo!

Lit.

Inôĸatigêt attaningit tamaita saimanernut saputikit, issumanik ullapirsautelinguik illanârêngnermiglo tunitjivigivlugit; 23 tuksiarnivullo illũnaita pivlugit tussalaukkit!

Nunapta attanertanga George illangillo ikajortingillo tessiulaukkit aulatillugillo saputivlugillo, ullapitaunangitomik terlingnartomiglo inôseĸarungnarĸovluta Gûdemik nâlengnerme illusitsiaringnermelo!

Inungnut illusiorĸojaujunik tamainik nâlektitigut pivlutit!

Pikkablarnerit tamaita unatarnerlo aungmiglo kovisineĸ tamât agvialaukkit; saputitigut ikomab imablo kapianarninginit, sillarnerluvaksoarmillo, nusilingnartomit nelliutomillo kângnartolingmit; nunangne ullapirsauteĸartitigut pinasuartullo tamaita sullitikit!

Piniarniptingne tamaine nellâgôrtitigut omaringneĸ piniaraksaptingne pinasuarniptingnelo pitsartutilauruk!

Kanoĸtôĸ ĸunujuitsainarta, naglingneĸ attorlugo tamainut avagosungnerlo aitortuinerlo puigortailivlugik!

Ill.

Tussalaungmitigut, nagliktotit Nâlegaĸ Gûdelo!

Lit.

Igluvut ittervigilaukkit inigivlugillo; nulliarêt saimalaukkit ivsornaitillugillo; sorusivut inertertaunerme nâlektitaunermelo illingnik inugoijaulit; nullẽtullo uigasuillo pidlaraksausuertomik 24 arvertartikit oĸautsitit malliklugit!

Illũnata aglivalliatitigut saimarsautingne illitarĸsinermelo illingnik; anernît ajungineĸ kovilauruk kivgarnut tamainut!

Ill.

Tussalaungmitigut, nagliktotit Nâlegaĸ Gûdelo!

Lit.

Inungnik naglingniktotit, illũnaita siorniortut nangianartomẽtullo ikajukkit!

Imarbiksiortut umiaĸsoakut tatamnartullinernik tukkisitilaukkit; illavut ingergajut nunakut imakullo ikajukkit saputivlugillo; [erĸaumalaungmikit umiaĸsoavut inungillo!]

Kiksartut ôktortaujullo tamaita manigukkit; nullêrnerit uigarnerillo ĸuviasungnerilitit nerriungnerilitillo piloringnartomik; inutoĸaujut illilertukkit; atâtaulerit illiarsungnut ajoĸsartullo pattangaitilaukkit!

Kanimajuttauĸ pairikit ikpigitillugillo naglingnernik; inuillo toĸolerĸogungne, erĸailaurit, ajornivut kissêtaungitoĸ, sillaĸsoarmiulle illũnatik ajorningit toĸojutigilaurangne!

Illa igvit Gûdeojotit tamainut, nertortaujotit issoĸangitomut, inungnut illũnainut piuliklerteolilaurit, pingortitatit tamaita nâpkigikit, tamaita illikut ullapĸosilaurangne 25 nangminernut nunamêtullo ĸilangmẽtullo!

Ill.

Tussalaungmitigut, nagliktotit Nâlegaĸ Gûdelo!

Lit.

Ajoĸertortigut issumaksarsiornermik toĸojuksauniptingnik âĸiksortigullo, angerarviksarserĸovluta piloringnartomik; illagêktunut pijarêrsimajunut illũnainut illagêngnermêtsainartitigut issoĸangitomut; sukutsianelo piniarniptingnit merngoerserĸatigêktitigut ikkingne!

Ill.

Tussalaungmitigut, nagliktotit Nâlegaĸ Gûdelo!

(Tamâne illusingatut tuksiarutsit oĸâlauserlo tuksiarutsillo sorairsiutit attulerput; kingorngatigut, illagêt nikkovitillugit, tuksiartoĸarannerpoĸ imak:)

Lit.

Gûdib saugârsunga, sillaĸsoarmiut ajorninginik nangmartotit,

Ill.

nâpkigitigut!

Lit.

Gûdib saugârsunga, sillaĸsoarmiut ajorninginik nangmartotit,

Ill.

illagitigut!

Lit.

Gûdib saugârsunga, sillaĸsoarmiut ajorninginik nangmartotit,

Ill.

ullapirsautingnik uvaptingnẽtitsilaurit!

Lit.

Saugârsuk toĸotaujoĸ pissiarijivullo inôĸatigênit nunamẽtunit tamainit, Nâlegaĸ tarniptingnik piniarutjilauĸtoĸ, illannâĸ nagligilauĸtivut ubvartivullo ajorniptingnit aungminut, 26 toĸolauĸtoĸ pivluta attausiardlune uvagut toĸorĸovluta ajortunit, makkilauĸtoĸ pivluta uvaguttauĸ makkerĸovluta, ĸilalialauĸtoĸ pivluta iniksamik pijarêrsijomavlune uvaptingnut, nâlektaujorlo Engelinut sôngojunullo pitsartudlartunullo — tâmna nertortautsainarle soraingitomik illagêktune utaĸĸijingine najorninganêtunelo,

Ill.

issoĸangitomit issoĸangitomut.   Amen.

Lit.

Kitorngârsuit, tâpsomanêtsainaritse, saĸĸijâlerpat ĸuviasûteĸarĸovluta kangusugatalo tâpsoma sângane tikiviane.

Lit.

Nâlekab pitsartutilitit saputilitillo!

Nâlekab kênarminut ĸaumaksarlitit saimartilitillo!

Nâlekab kênarminut ĸollangiarlitit ullapirsautiminiglo tunitjivigilitit!

Ill.

Jêsub attingane   Amen.

Lit.

Nertortaule Jêsuse Kristuse! Tâmna Gûdetut — ikalloarame, nertornautigilaungilâ Gûde adsigivlugo, ingminigle nikkanarsâlauĸpoĸ kivgatun — ilerdlune; inutuinaĸ adsigililauĸpâ inutuinaujotullo illinganinga naipitaulauĸpoĸ. Ingminik miklilerdlune nâlainalauĸtoĸ toĸomut, toĸomut senningajolingme aglât. Tamanna pivlugo Gûdib nâlegaviksoangortilauĸpâ atteĸartilâllo atternit tamainit anginerpângojomik, Jêsusib attingane sêrĸut illũnatik sêrĸortortuksaungmatta 28 nâlengnermut ĸilangmẽtullo nunamẽtullo nunab attânẽtullo, oĸallo illũnatik nellonaijaijuksaungmatta Jêsuse Kristusemik Nâlegaujomik, Gûdib Atâtab nertornautinganut.

Lit.

Nâlegaĸ Gûde, Atâta, ĸilangmẽtotit, imâk sillaĸsoarmiut nagligivattit, ernituat tunivlugo, illũnatik okpertut tâpsomunga assiorĸonagit nungusuitomigle inôguteĸarĸovlugit.

Nâlegaĸ Gûde, Erneĸ, sillaĸsoarmiut piulijingat, sôrlo sorutsit uvineĸarlutiglo auĸarmatta, ukkutitunaĸ igvit tamakkoninga illangiusimavotit.

Nâlegaĸ Gûde, Anerneĸ ajungineĸ, igvit aĸĸarvigilauĸpat ĸânganẽvigivlugolo. Gûdioneĸ illũnane tâpsomanẽmarikpoĸ timeĸarlune.

(Illagêt ingiput.)

Lit.

Kristuse, uvinikut inungnit tikisimajoĸ, tâmna tamainut Gûdeovoĸ, nertortaujoĸ issoĸangitomut. Igsagaksamik ĸemailauĸpoĸ uvaptingnut, tâpsoma tuminginik mallerĸovluta. Katangutine illũnâne adsigijariaĸalauĸpait, nâpkigosulerdlune nellâgôrtomiglo ajoĸertuinerôlerdlune Gûdib sângane, illũnânelo ôktortaumavoĸ uvaptitut ajorneĸaranele. Siorniulaurlune nangmineĸ ôktortaumagame, ikajorungnarpait ôktortaulertut.

Lit.

Okpinginermit illingnut ajorniojomit, ivsornartitsinermit uviningmik tarnemiglo.

idluarasuginermit nangminiptingnik, õmatib nippunganinganit pannersininganillo.

ikkingnik toĸungniglo kamanginermit

Ill.

saputitigut, nagliktotit Nâlegaĸ Gûdelo!

Lit.

Immanuele, sillaĸsoarmiut piulijingat,

Ill.

illagẽnartigut!

Lit.

Inûlernivit erniangonivillo ivsornaitub

Ill.

inônivut ivlernartilikko uvaptingnut!

Lit.

Aklulernivit kivgatullo illinganivit

Ill.

nikanasârtilitigut tamâne nuname!

Lit.

Pattanganivit sangẽnivillo

Ill.

sangênivut idluarijautilikko uvaptingnut!

Lit.

Sorusionivit ĸuvianartub

Ill.

ĸuviasuktilitigut sorutsititut!

Lit.

Aglangnik tukkisitsiarnivit

Ill.

soĸosijuitilitigut mikseĸârnerub oĸausertangine!

Lit.

Issumalingasuinivit

Ill.

issumalingasuitiligit õmativut issumavullo!

Lit.

Nâletsiarnivit mallingnivillo

Ill.

õmateĸartilitigut nâlektunik!

Lit.

Arvertarnivit ivsornaitub nuname

Ill.

arvertartilitigut pidlaraksausuertomik!

Lit.

Sullinivit ataruilinivillo

Ill.

sullijaksavut tamaita oĸiglitiligit uvaptingnut!

Lit.

Nellâgôrnivit sulliaĸarnerne

Ill.

nellâgôrtilitigut sulliaĸarniptingne!

Lit.

Ingergaĸattariaĸarnivit nuname

Ill.

tujormitailitilitigut nanẽtarangaptalõnêt!

Lit.

Pigârnivit tuksiarngnivillo

Ill.

pigârtilitigut tuksiartilutalo!

Lit.

Piojorijuinivit kamangitsertornivillo ĸenuenivillo

Ill.

pitilitigut nangmautarnik uvaptingnut!

Lit.

Nagligosungnivit nâpkigosungnivillo

Ill.

nâpkigosuktilitigut!

Lit.

Illungertornivit atâtavit iglunga pivlugo

Ill.

illungertortilitigut nâlegauvît pivlugo!

Lit.

Kristuse, Gûdib saugârsunga, sillaĸsoarmiut ajorninginik nangmartotit,

Ill.

ullapirsautingnik tunitjivigitigut!

Lit.

Pijaralutit tuninivit toĸomut

Ill.

ĸaujitsiartilitigut nellonartomik naglingnernik!

Lit.

Baptitaunivit ivsornaitub toĸomut ânianartomut

Ill.

inuit illũnamatsiatik õmatingit ikkitiligit!

Lit.

Kugviornivit nipliadlarnivillo siorniornermut

Ill.

manigorlitigut, kapiasugaigupta aulaumajâraiguptalo!

Lit.

Niaĸovit kakkilautinik niaĸôsertaumajub

Ill.

ĸaujitilitigut nâlegauvivit illinganinganik!

Lit.

Tallîkpit issaktitaujûk ĸejungmut

Ill.

pigitsainarlitigut!

Lit.

Aggavit putoggit

Ill.

unertutilitigut attipta aglaksimavianik!

Lit.

Puttorsimajut ittigavit

Ill.

tamartailitilitigut arvertarniptingne!

Lit.

Aungerutilertub ĸanerpit

Ill.

oĸautilitigut manigorniksaptingnik ullapirsautiksaptingniglo!

Lit.

Ijîkpit illutorsilertûk

Ill.

malliktilitigut atâtavit agganginut!

Lit.

Timivit ânilakteradlartub toĸolertublo tautua

Ill.

ijipta sânginẽtsainarlaurle!

Lit.

Anernangernivivit kibliktaunarninga

Ill.

takuksautsainarle uvaptingne!

Lit.

Timivit âniatitaujub aukpillo

Ill.

nekoĸsitilitigut inôtsemut nâksaungitomut!

Lit.

Perĸojat toĸungnut soĸosijuitilauĸtat

Ill.

inuĸotivit malligaksarilitsuk!

Lit.

Oĸautsit kikiaktortaunernik oĸâlajut

Ill.

oĸautigilavut, okperniptingnik appertsortaugupta!

Lit.

Saugârsuk toĸotaujoĸ nellopĸotijuksaungitoviksôvoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo

Ill.

issoĸangitomit issoĸangitomut.   Amen.

Lit.

Nâlegaĸ makkisimavoĸ!

Ill.

Illa makkisimavoĸ!

Lit.

Okperpunga Gûdetôjomut, Atâtamut, Ernermullo Anernermullo ajunginermut. Tâpsomangat tâpsomûnalo tâpsomungalo illũnamatsiatiĸ iput. Tâmna nertortaudlarle issoĸangitomut!

Ill.

Amen.

Lit.

Okperpunga Gûdemut, Nâlegapta Jêsusib Kristusib atâtanganut. Tâpsomûna annerilauĸpâtigut sillaĸsoaĸ tunganilijaurĸârtinago. Piulilauĸpâtigut 35 tâĸtub pitsartuninganit nuktertilutalo ernerme erdligijame nâlegauvinganut. Saimausilauĸpâtigut anernelingnut saimanartunut sunatuinarnut, ĸilaub pinginik illangiutitiluta Kristuseme. Pijungnartilauĸpâtigut, ivsornaitut kingormgujiĸatigivlugit ĸaumajome, issumasimagame ĸitorngautitsomavluta ingminut Jêsuse Kristusekut, taimak ĸuviagijaminut pijomagame, saimarsautine ânanaujoĸ nertortaurĸovlugo, tamattomunga ĸuviagijautingmattigut erdlingnartome.

Ill.

Ahammarik, tamanna mikseĸârtôvoĸ.

Atatâk, ĸilaublo nunablo Nâlegangak, nakorivaptigit, illisimajunut sillatujunullo tamanna angigutjutigigangne, nutaĸĸatitun-itunullo nellojungnairtijutigigangne. Illa, Atâtâk taimak sângne idluarĸolaurangne.

Lit.

Atâtâk, attît ânanausilauruk!

Ill.

Nâlegaĸ Gûde, atâtavut ĸilangme, attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit! Nâlegauneĸ 36 pitsartunerlo ânanaunerlo pigigangne issoĸangitomut.   Amen.

Atâtâk, nagligitigut, ernît nagligigaptigo illingnillo annijoĸ okperigaptigo.

Lit.

Okpêrpunga Gûdib ernituangata attinganut. Tamaitaĸsuit pingortitauvut tâpsomunga, uvagullo pingortipâtigut.

Okperpunga, uviniolilaungmat inôĸatigivlutalo kivgatullo ilerdlune.

Uigasûb Mariab pilauĸpâ Anernermit ajunginermit; sôrlo nutaĸĸat uvineĸarlutigo auĸarmatta, taimailaurivoĸ, arnab erniaringmago; illinganinga inuktut naipitaulauĸpoĸ, illũnâne ôktortaumajoĸ uvaptitut, ajorneĸaranele.

Nâlekab Anerningatalo tillilauĸpâk, oĸâlarĸovlugo Nâlekab jâringanik tussarominartomik.

Kaujimajaminik oĸalauĸpoĸ takolauktaminiglo kigligiutjivlune. Tâpsominga illaliortut pitsartunermik tunitjivigivait, ĸitorngaulerĸovlugit Gûdemut. Ahâk, tagga Gûdib saugârsunga sillaĸsoarmiut ajorninginik nangmartoĸ; Pontiuse Pilatuse attanerusiotillugo âniatitaujoĸ, ĸejungmut senningajolingmut kikiaktortaujoĸ, toĸovlunelo illijartortaujoĸ. 37 Anernermigut ajoĸertuijartortoĸ anernernik parngnanairsimavingnẽtunik. Uvlut pingajuanne toĸungajunit makkitoĸ ĸilaliarlunelo Atâtab tallerpiane iksivajoĸ. Takpângat tikitsomârivoĸ, sôrlo takojaulaurame ĸongmuartillugoĸilangmut.

Lit.

Aĸĸaromârpoĸ ĸilangmit nippersoarmut kajungersarnartomut, Engelit attaningata nippinganut Gûdiblo tiptulautinganut, inôjullo toĸungajullo erĸartoriartorlugit.

Tâmna Nâlegarivara, piulingmanga assiojuksaujunga pidlaraksaularmalo inôjunga ajortunit tamainit toĸomillo Sâtanasiblo pitsartuninganit, goldemut silberemullõnêt pinane, aungminulle hailigemut akkitudlartomullo âniaminullo passijaksaungitomut toĸominullo; perĸutigijomagaminga nâlegauvinganelo nâleklugo inôniarĸovlunga kivgartorlugolo idluarnerme passijaksaunginermelo piloringnermelo nâksaungitome, 38 sôrlo toĸungajunit makkingmat inôvlunelo Nâlegaungmat issoĸarniangitomut.

Ill.

Ahammarik, tamanna miĸseĸârtovoĸ.

Lit.

Okperpunga Anernermut ajunginermut, Atâtamit anijomut. Tâmna Nâlegapta Jsêusib Kristusib tillivâ uvaptingnut, Atâtamut ailaurĸardlune, uvaptingnêtsainarĸovlugo issoĸangitomut, tamainiglo piniartitserĸovlugo tamaine issumaminiglo illangiutititserĸovlugo tamainik.

Tâmna nertortaule illagêktunut Jêsuse Kristusemẽtunut: okpertôĸatigêksoarnut tamainut ivsonaititaumajunullo angerarsimajunut issoĸangitomit issoĸangitomut.

Ill.

Amen.

Lit.

Okperpunga, issumamniglõnêt pitsartunimnullõnêt Jêsuse Kristusemut Nâlekamnut okperlunga tikilugolõnêt ajoĸsarama. Anerneruble ajunginerub ĸairĸovânga oĸautsinut tussarnertunut, tunergutiminullo ĸaumaksarpânga, okpernerme mikseĸârtome ivsornaitilungalo soĸosijuitilungalo pivânga; sôrlo okpertut illũnaita sillaĸsoarmẽtut ĸairĸungmingmagit kattitillugillo ĸaumaksarlugillo ivsornaitillugillo Jêsuse Kristusemêtsainartingmagit okpernerme 39 mikseĸârtome. Illagêt tâpkoa akkornganne ajornikka okpertullo illũnatik ajorningit uvlut tamaita nãmaktomik issumagijungnairpait.

Ill.

Amen.

Lit.

Okperpunga, baptijutikut hailigikut — tagva erniangupsârnerub ubvautâgut Anernerublo ajunginerub nutângortitsiningagut — Jêsusib Kristusib illagêktoĸotinginut illaliortaulaurama. Illagêt tâpkoa Jêsusib nagligilauĸpait ingminiglo tunivlune tâpkoa pivlugit ajorungnairtitsomavlugit; epĸêjalauĸpait ubvaumut imiojomut oĸautsemik illalingmut.

Ill.

Amen.

Lit.

Okpertôĸatigêt tâpkoa illagêngningita akkornganêdlunga nagliktiga Nâlegara piulijigalo Jêsuse Kristuse manigorvigivara, toĸolaungmat pivlunga aungminiglo kovisilaungmat pivlunga ĸejungme ajornerit issumagijaujungnairutiksangannut, aitortorlungalo timiminik aungminiglo sakramentekut nellunaikutaksamut. Taimaimat uvamnẽpoĸ uvangalo tâpsomanêdlunga. Nungusuitomik inôsêĸarpunga tâpsomalo ômartitsomârpânga uvlut naggatiksanganne.

Ill.

Amen.

Lit.

Kajungilârpunga avilunga tamângat Kristuse najoromavlugo, tamanna illa angijomik ajunginersaungmat. Toĸo ôngniangilara issoĸangitomut, pagrearniarlungalo toĸungajut makkiviksangannut, timima ĸemaktama asserortub attiniarmago asserojuitoĸ. Uvinik nerriuklune merngoerserpoĸ; igvittauĸ, toĸojuksaujotit, Gûdib ômartitsomârpâtit, tâpsoma anerningata inigilaungmatit.

Ill.

Amen.

Lit.

Okperpunga, ĸatangutivut illavullo, Nâlekame sinisimalerunik, illagêktunut 41 takpânẽtunut aisimangmatta ittersimavlutiglo Nâlekamik ĸuvianarninganut; timingit nuname illuversimajut.

Lit.

Mãna sinisimajut illagêne ovanẽtune jâreme ĸângertome makkivianit erĸaumavavut, attingit taivlugit N. N.

Ill.

Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!

Lit.

Uvagullo illagêktunut pijarêrsimajunut illũnainut illagêngnermêtsainartitigut issoĸangitomut, sukutsianelo piniarniptingnit merngoersiĸatigêktitigut ikkingne!

Ill.

Amen.

Lit.

Nertornarpoĸ makkitjutauvlunelo inôgutaujoĸ. Tâpsomunga okpertoĸ, toĸogalloarune, inôjonmârpoĸ. Tamna nertortautsainarle soraingitomik illagêktune utanĸĸijingine najorninganẽtunelo,

Ill.

issoĸangitomit issoĸangitomut.   Amen.

Lit.

Illiptik N. N. aperivaptik Jêsusib sângane: Una ĸitorngatik, Jêsusib aungminut pissiarilauĸtanga, tâpsoma pingatut pairijomavitikkô? saputillugolo idluitunit Gûdiblo oĸausinginik ĸaujitiniarlugo idluarijanganullo inugoijomavitikkô?

Ang.

Ahaila.

Lit.

Kristuse, Gûdib saugârsunga, sillaĸsoarmiut ajorninginik nangmartotit,

Ill.

ullapirsautingnik tunitjivigilaungmitigut!

Lit.

Sakramenteĸotîngnut ivsornaitoĸsôjûngnut

Ill.

pitsartutilaungmitigut, nagliktotit Nâlegaĸ Gûdelo!

Lit.

Baptijut kinamit pigivitigô?

Sor.

Nâlegaptingnit Jêsuse Kristusemit oĸalauĸtomit: Aileritse inôĸatigêksuillo tamaita ajoĸertorsigik baptillugillo Atâtab Ernerublo Anernerublo ajunginerub attinganut; ajoĸertorsigiglo mallerĸovlugit tamainik perĸojamnik illipsingnut.

Lit.

Baptijut sunauvâ?

Sor.

Angerĸatigêngniovoĸ issumame passijaksaungitome Gûdemelo erniangupsârnerublo ubvautâ Anernerublo ajunginerub nutângortitsininga, Gûdib kovilauĸtangata uvaptingnut amigangitomit Jêsuse Kristusekut piulijiptigut.

Lit.

Suna Nâlekab angerutigivaûk baptijut pivlugo?

Sor.

Okpertoĸ baptitaujorlo piulijaujomârpoĸ.

Lit.

Sorutsittauĸ saimanartoĸ tamanna illangiutivigijunarpatsûk?

Sor.

Ahaila.

Lit.

Nerriungneĸ tamanna sunamut tungatitaumavâ?

Sor.

Kristusib oĸausinginut imaitunut: Nutaĸĸat uvamnut pilit inerterasigiglo, tâpkoa Gûdib nâlegauvinga pigingmatsuk.

(Baptitaksaĸ ĸaitautillugo mãna sâmut tuksiarutijauvoĸ imâk:)

Lit.

Jêsuse Kristusemut baptisimajose, ĸanoĸ baptitauvisê?

Ill.

Jêsusib toĸunganut.

Lit.

N. N. igvittauĸ mâna Jêsusib toĸunganut baptipagit Atâtab Ernerublo Anernerublo ajunginerub attinganut.

(Baptitaujoĸ pattingmijautillugo.)

Mãna Jesuse aiparivlugo baptijutekut illijartortauvotit toĸunganut.

Ill.

Jêsusib attingane.   Amen.

Lit.

Inôniarit mãna, igviungitorle, Kristusele inôle illungne. Mãnale uviningme 46 inônernik tamattominga inôniarit okpernerme Gûdib erninganut nagliktingnut ingminiglo tunijomut pivlutit.

Lit.

Nâlekab pitsartutilitit saputilitillo!

Nâlekab kênarminut ĸaumaksarlitit saimartilitillo!

Nâlekab kênarminut ĸollangiarlitit ullapirsautiminiglo tunitjivigilitit!

Ill.

Jêsub attingane.   Amen.

(Oĸâlajoĸarĸârtillugo tuksiartoĸarĸârtillugolo ajoĸertuijoĸ baptitaksab sânganut nangeriartorpoĸ oĸarlunelo:)

Lit.

Najornernut nekoĸsinartomut sakramenteĸotîngnullo ivsornaitoĸsôjûngnut

Ill.

pitsartutitigut, nagliktotit Nâlegak Gûdelo!

Lit.

Okperĸêt Gûdetôjomut, Atâtamut Ernermullo Anernermullo ajunginermut, ĸilaublo nunablo pingortitingangnût?

Bapt.

Ahaila, okperpunga.

Lit.

Kigligiutjivêt, Gûdib ivsornaitoĸsôjub sângane nangerlutit sappidlaravit, ajortoliksôvlutille pidlaraksatuinaugavit tâpsomunga?

Bapt.

Ahaila, taimailinganimnik kigligiutjivunga.

Lit.

Okperĸêt, Gûdib, Nâlegapta Jêsusib Kristusib Atâtangata anerilaungmattit, sillaĸsoaĸ tunganilijaurĸârtinago, 48 piulilaungmattit tâĸtub pitsartuninganit nuktertillutillo Ernerme erdligijame nâlegauvinganût?

Bapt.

Ahaila, okperivara.

Lit.

Okperĸêt, Jêsuse Kristuse, Gûdib Ernituanga Nâlegaungmat ilingnut, assiojuksaujotit pidlaraksaularpillo inôjotit, piulingmattit ajortunit tamainit toĸomillo Sâtanasiblo pitsartuninganit, goldemut silberemullõnêt pinane, aungminulle hailigemut akkitudlartomullo âniaminullo passijaksaungitomut toĸominullo?

Bapt.

Ahaila, okperivara.

Lit.

Okperĸêt, Anernerub ajunginerub ĸairĸungmattit oĸautsinut tussarnertunut, tunergutiminullo ĸaumaksarmattit, okpernerme mikseĸârtome ivsornaitillutillo soĸosijuitillutillo pingmattit?

Bapt.

Ahaila, okperivara.

Lit.

Killanâdlarĸêt, baptijutikut ubvautaujokut ajornernit tamainit ubvartaujomavlutit Jêsusib Kristusiblo illagêktoĸotinginut illaliortaujomavlutit?

Bapt.

Ahaila, ĸillanârivara õmamut tamânut.

Lit.

Angidlarĸêt, kivgartorneĸ ajornermik ipperaromavlugo mânanillo, illagêngoĸatauleravit Jêsusib illagêktoĸotinginut, inõjomavlutit tâpsomunga 49 toĸolauĸtomut makkilauĸtomullo pivlutit?

Bapt.

Ahaila, angerutigivara, Nâlegara Jêsuse Kristuse pitsartutitsijoĸ sungertutigivlugo.

Lit.

Jêsuse Kristusemut baptisimajose, ĸanoĸ baptitauvisê?

Ill.

Jêsusib toĸunganut.

Lit.

N. N. igvittauĸ mãna Jêsusib toĸunganut baptipagit Atâtab Ernerublo Anernerublo ajunginerub attinganut.

(Baptitaksaĸ pattingmijautillugo.)

Kemergulerit, ĸanoĸ angijomik naglingnermik Atâta saĸĸijârtitsingmat illingnut, Gûdib ĸitornganganik taijaurĸogamitit. Ivsornaitut tagva kinguvângoĸatigivâtit Gûdiblo iglungane iglomiôĸatauvotit. Taimaimat inôniairit, igviungitorle, Kristusele inôle illungne. Mãnale uviningme inônernik tamattominga 50 inôniarit okpernerme Gûdib Erninganut nagliktingnut ingminiglo tunijomut pivlutit.

Lit.

Kristusekut tamapta apĸutiksaĸarpogut Atâtamut anernerme attautseme. Taimaimat tuksiaĸatigêlauĸta imâk:

Ill.

Nâlegaĸ Gûde, Atâtavut ĸilangme, attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit. Nâlegauneĸ pitsartunerlo ânanaunerlo pigigangne issoĸangitomut.   Amen.

Lit.

Nâlekab pitsartutilitit saputilitillo! Nâlekab kênarminut ĸaumaksarlitit saimartilitillo! Nâlekab kênarminut ĸollangiarlitit ullapirsautiminiglo tunitjivigilitit!

Ill.

Jêsub attingane.   Amen.

Lit.

Najornernut nekoĸsinartomut

Ill.

pitsartutitigut, nagliktotit Nâlegaĸ Gûdelo!

Lit.

Nagliktâkka, Gûdib kênangata sângane kaiblarpaptik, nellâgut kigligiutjerĸovlutik mãna, illiptingne sunamik kattititautailiutaurĸojaujomik aiparêngnermut ĸaujimangâptik.

(Ajoĸertuijoĸ oĸarĸârtoĸ itjuarlugo uiksaĸ oĸarpoĸ tagva:)

Uiksaĸ.  

Nellâgut kigligiutjivunga, kattititautailiutaurĸojaujomik uvamnullo ômungalo senimnẽtomut N. N. ĸaujinginama.

(Taimaktauĸ nulliaksaĸ ajoĸertuijoĸ itjuarlugo oĸarpoĸ:)

Nulliaksaĸ.  

Nellâgut kigligiutjivunga, kattititautailiutaurĸojaujomik uvamnullo ômungalo senimnẽtonmt N. N. ĸaujinginama.

Lit.

Tagva, nagliktara N. N. aperivagit: Arnaĸ una tigujomaviuk aiparijomavlugo, sôrlo Gûdib oĸausingita perĸungmattit? nagligivlugo pattangaitillugolo opigivlugolo pairivlugolo ĸanimatillugo ĸanoengitsiartillugolo? ungagijatuarivlugolo toĸomut avititaurĸâratîk?

Uiksak.  

Ahaila.

Lit.

Tagva igvittauĸ, nagliktara N. N. aperivagit: Angut una tigujomaviûk aiparijomavlugo, sôrlo Gûdib oĸausingita perĸungmattit? nâleklugo kivgartorlugolo nagligivlugolo opigivlugolo manigorlugolo ĸanimatillugo ĸanoengitsiartillugolo? ungagijatuarivlugolo, toĸomut avititaurĸâratîk?

Nulliaksaĸ.  

Ahaila.

(Ketterdlemik pitillugo arnab mikileranganut saumianut agganelo tagvanẽtillusit angut oĸarpoĸ ajoĸertuijoĸ itjuarmivlugo:)

Uiksaĸ.  

Ketterdlermik una tunivara illingnut, nellunaikutaksautillugo aiparêngnîptingnut ukkoalo najûtijut kigligiutjijeorĸovakka, uvanga N. N. igvit N. N. tigugapkit aiparijomavlutit.

(Arnarle ajoĸertuijoĸ itjuarlugo oĸarpoĸ:)

Nulliaksaĸ.  

Ketterdlermik una tiguvara, nellunaikutaksautillugo aiparêngnîptingnut ukkoalo najûtijut kigligiutjijeorĸovakka, 57 uvanga N. N. igvit N. N. tigugapkit aiparijomavlutit.

(Aiparêlertuk tallerpingit tigutitillugit ajoĸertuijoĸ oĸarpoĸ:)

Lit.

Katangutivut N. N. ĸatangutivullo N. N. angiĸatigêngmanik aiparêngnermut tamannalo sagvartingmakko Gûdib sângane illagêllo takkoanne tigûtinermut tunitjinermullo tigusinermullo ĸetterdlermingmik, tagva aiparêktôrĸovakka mãna Atâtab Ernerublo Arnernerublo ajunginerub attingane. Gûdib kattititâgigle inûb avititaksaringilak.   Amen.

(Kattititautainartûk sêrĸortulerpuk.)

Lit.

Nâlegaĸ, Nâlegaĸ Gûde, nangmineĸ nulliarêngnermik illijilauĸtotit saimaivlutillo, tuksiarvigivaptigit ukkoa kattititautainartûk pivlugik: Nulliarêngningak ivsornaitilauruk saimanartillugolo! Ajoĸertulaukik, nagliktigêlerĸovlugik naglingnermut Kristusib naglingnerijanganut uvaptingnik. Omatîgik iglungaglo inigijartulaukit, uvlut tamaita ajoĸsatailitikik piksanginik aggangitalo piniarningit sullitilaukit. Serngnigijauviksautsainalaurittôĸ attuinaujoĸ tâpkungnunga. Ikajulaukik, siorniornartokullo kiksarnartokullo arvertartuksaugalloarlutik sungertûteĸarungnailerĸonagik 58 naglingnernik. Kairĸojaumanîgik anerijaumanîgiglo aulajuitikit tâpkungnunga saimanernut. Nulliarêngnermingne kivgartortilaukik ilingnut tessiortigêtsiartillugiglo apĸome inôtsemut nâksaungitomut. Taimak illagêt akkornganne arvertartilaukik pivalliatillugiglo, issumatillo tamaita idluarĸutiksanginut nellautsitikit piloringnartomik, ĸairĸojijutitit aiparêrĸojijutitillo tâpkungninga nãmakserĸârtinagit.   Amen.

(Kattititaujûk pattingmijautillugik)

Lit.

Nâlekab pitsartutilitit saputilitillo!

Nâlekab kênarminut ĸaumaksarlitit saimartilitillo!

Nâlekab kênarminut ĸollangiarlitit ullapirsautiminiglo tunitjivigilitit!

Ill.

Jêsub attingane.   Amen.

Lit.

Tagva mãna aperivapse, Nagliktakka: angilaurapse, kivgartoĸataujomavluse illagêt akkornganne, tussugalloarĸisê, nangmineĸ ubvartaurĸâromavluse ajornipsingnit nãmanginipsingnillo tamainit ĸaut tamât Jêsusib aunganut, taimaglo naglingnermut Jêsusemik kivgartoromavluse illagêt akkornganne merngortorlugase, ĸatangutigijapse idluarĸutiksangannik pinasuarluse oĸausipsingnullo piniarnipsingnullo? Nâlekamut perĸojaunipsingnik piniaromavisê, nangminipsingnik tettiginase, Jêsusemulle kissiane aulataujomavluse tâmnalo ikajortituarijomavlugo? Taimak mãna Gûdib illagêllo sânganne angeromavisê?

Kivg.

Ahaila.

Lit.

Angerivisê, ajoĸertuijersuit ajoĸertuijullo, Nâlekab illilauĸtangit illagêt pairijauniksangannut, ikajoromavlugit pijungnarnipsingnut, nâlegomavlugillo sõrlo Grûdib oĸausingit perĸojingmatta, illusiorĸojaujullo illagêt akkornganne nangmineĸ malligomavlugit malliktautinasuarlugillo inôĸatipsingnût?

Kivg.

Ahaila.

Lit.

Nâlekab saimarsainerminut pitsartutilise, angernise malliklugit piniarungnarĸovluse! Angernisele tamanna illagêt sânganne aulajuititsomavlugo mãna tigulertorniarpapsinga, sôrlo pernojaugapta.

Lit.

Nertornarpoĸ makkitjutauvlunelo inôgutaujoĸ! Toĸungalauĸpoĸ, ahâglo inôvoĸ issoĸangitomit issoĸangitomut. Tâpsomunga okpertoĸ, toĸogalloarune, inôjomârpoĸ. Tâmna nertortautsainarle soraingitomik illagêktune utaĸĸijingine najorninganẽtunelo.

Ill.

Issoĸangitomit issoĸangitomut.   Amen.

Lit.

Nâlegavut Jêsuse Kristuse.

Ill.

nâpkigitigut!

Lit.

Erniarigonivit inuktut,

arvertarnivit nuname

inôtsivit siorniorningita tamaita,

sangẽnivit âniadlarnivillo

tarnivit siadlerningat kapiasungningallo tamât,

aulaumajârtitaunivit toĸomut,

aungmik kitjijârnivit,

ĸellaksortaunivit, anaulertaunivit mitautigijaunivillo,

issaĸajaunivit niaĸôsertaunivillo kakkilautilingnik.

kikiaktortaunivit nachonartub seningajolingmut,

ikkivit hailigit,

aukpit akkitojub,

toĸovit ivlernartub,

tikitsomârnivit uvaptingnut angerarĸojauniptalõnêt ilingnut

Ill.

manigorlitigut, nagliktotit Nâlegaĸ Gûdelo!

Lit.

Inôtsivit âniavillo toĸovillo akkiliutiksarsêninginut tamainut

Ill.

pitsartutitigut, nagliktotit Nâlegaĸ Gûdelo!

Lit.

Merngoersernernut, illuverme,

sâlaĸarlutit makkinernut,

ĸilaliarnernut ânanaudlartomut,

iksivalernernut Gûdib tallerpiata tungâne,

najorneruut nekoĸsinartomut

Ill.

pitsartutitigut, nagliktotit Nâlegaĸ Gûdelo!

Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!

Lit.

Idluarigangnelo, ĸatangutivut (illavut, soruseĸ) N. N. ĸairĸovlugo issoĸangitomut, tagva tuksiarvigivaptigit: uvaptingniktauĸ ajoĸertuilaurit issumaksarsiornermik toĸojuĸsauniptingnik; anerimanivut aulajuititsuk saimanernut; illagêktunut pijarêrsimajunut tamainut illagêngnermêtsainartitigut issoĸangitomut; sukutsianelo uvaguttauĸ piniarniptingnit merngoersiĸatigêktitigut ikkingne!

Ill.

Tussalaungmitigut, nagliktotit Nâlegaĸ Gûdelo!

Lit.

Nâlekab pitsartutilitit saputilitillo!

Nâlekab kênarminut ĸaumaksarlitit saimartilitillo!

Nâlekab kênarminut ĸollangiarlitit ullapirsautiminiglo tunitjivigilitit!

Ill.

Jêsub attingane.   Amen.

Lit.

Nakorijaule Nâlegaĸ pitsiarnine tattamnartoĸ saĸĸertilaungmago uvamnut,

Ill.

Nâlegak nakorijomavara nelliutunne tamaine, nertortauninga ĸannimnêtsainartuksauvoĸ sorairane.

Lit.

Illagilunga Nâlegak nakorissiuk,

Ill.

Illagêklutalo attinga angijorortilavut!

Lit.

Tuksiarta:
Gûde Atâtavut Kilangme, perĸovaptigut opigosurĸovluta illingnik naglingnerme; ikajulauktigut erĸaumarĸovluta iglungnêgapta. Tunitjivigilauktigut ikajortaunermik Anernernut, 68 tuksiarungnarĸovluta Illingnut, nertordlerungnarĸovluta illingnik ômatiptingnut illûnânut, illiniarungnarĸovlutalo illiniartuksauniptingnik Oĸausernit pivianartunit; taimak tuksiarpogut Jêsuse Kristusekut Nâlegaptigut.

Ill.

Amen

Lit.

Gûde oĸalauĸpoĸ oĸautsinik ukkuninga oĸarlunelo: Uvanga Nâlegauvunga Gûdît, sennipkut assimnik Gûdeĸartuksaungilatit.

Inungoarmik adsingoarmiglônêt senajuksaungilatit pivlutit.

Nâlekab Gûdivit attinganik attornerluktuksaungilatit. Uvloĸ sabbateojoĸ erĸaruk, ivlerijaurĸovlugo ilingnut.

Atâtangnik anânangniglo nâlektuksauvotit. Inuartuksaungilatit.

Nulliarêngnermik asseroijuksaungilatit

Tiglihtuksaungilatit

Inôĸatitit saeglutigivlugit oĸartuksaungilatit.

Inôĸativit perĸutingit pijomajuksaungilatit

Ill.

Nâlegak nâpkigitigut, ikajorlutalo ômatiptigut nâlerĸovluta perĸojarnik.

(illaget ingiput)

# (Gudib oĸausingit atuartauvut tuksiarutsiĸarporlo) #

(illagêt nikkoviput)

Lit.

Jêsuse nunamut pivoĸ oĸâlavlune oĸautsinik tussarnertunik Gûdib nalegauvinganik, illiniartingillo ajoĸertolaukpait, oĸarlune:

Piloridlarput aklujut anernerme:

Ill.

Nâlegauvik Kilangmêtoĸ pigileramitsuk

Lit.

Piloridlarput kiksartut;

Ill.

Manigortaujomârmatta

Lit.

Piloridlarput Kenuêtut;

Ill.

Nuna pigileramitsuk

Lit.

Piloridlarput kâktut imeruktullo idluarnermik;

Ill.

Illumertaujomârmatta

Lit.

Piloridlarput nâpkiniktut;

Ill.

Nâpkigijaujomârmatta.

Lit.

Piloridlarput ivjornaitanik ômatilit

Ill.

Gûde takkojomâramitsuk

Lit.

Piloridlarput ullapirsaijut;

Ill.

Gûdib Kitornganginik taijaujomârmatta

Lit.

Piloridlarput unangmijaudlartut idluarneĸ pitjutigilugo;

Ill.

Nâlegauvik Kilangmêtoĸ pigileramitsuk.

Lit.

Tuksiarta:

Ill.

Nâlegak Gûde Atâtavut Kilangme; attît nertortaule; nâlegaunît Kailaule; pijomajat piniartaule nuname sôrlo Kilangme, uvlome piksaptingnik tunitjivigitigut; idluinivut issumagijungnaikit, sôrlo uvagut idluitullivigijivut issumagijungnairvigivaptigik; ôktortaulungnermut pitinata; piulitigullo ajortomit! Nâlegauneĸ pitsartunerlo ânanaunerlo pigigangne issoĸangitomut   Amen.

Lit.

Gûde Ivsornaitotit Nâpkigosuktotillo, ajoĸertorlauraptigut Kaĸĸialerupta ômamut tamânut issumagijungnairvigigaptigut Kuviasudlarlutit. Kaĸĸialerpogut mâna kiksartitauvluta piniarlungnivut pivlugit idluarnermiglo piniarlaunginivut pivlugit; ivsornaititigut nangminênarasuarniptingnit issumalungniptingnillo 71 kiksartitsijunik assipta inôsinginik agviartitsijuniglo Nâlegauvivit tikkitsungnarninganik.

Ill.

Piniarnikka kamaginiarpakka, ajornikkalo kiksarutiginiarpakka

Lit.

Gûde, Atâtavut Kilangme, pitsiartotsainartotit uvaptingnut; tunitjivigivaptigut inôtsemik atsuilernermiglo illûnainiglo piojunik Kuviasutigijaptingnik. Erĸaumatitiguttôĸ silaksoaĸ tâmna perĸutigigange, erĸaumavluta nunamêgavittauĸ sôrlo Kilangmêgavit. Senniptingnêgavit pairivluta erĸsijuilaukta kissianele kiksartikuptigit assivullo aĸsârlugit inôtsib Kuvianarninginik.

Ill.

Ajorĸertorlaunga apĸutingnik, Nâlegak: arvertarungnarĸovlunga mikseĸârnerne

Lit.

Nâlegaĸ, Aulatsijotit sillaksoarmik, Anernit kovilauruktôĸ inungnut illûnainut, inôĸattigêksuit inôĸattigêgungnarĸovlugit ullapirsaume nâlegauvivit perĸojangit malliklugit. Kennuvigivaptigit nunaĸotivut saimalauruk, attanivut inuĸotingillo saimalaukit, tamaita aulatsijut kivgartortullo. Nâlegauvingmioĸattivullo pitsartutikit 72 maksuatikillo arvertarĸovlugit nâlengnarnerme, naglitilauktigut ullipirsautib ivsornainerublo apĸutinginik

Ill.

Apĸosinît illitarititaulit nuname, nellojullo akkorngane piuliklernît.

Lit.

Gûde, Piuliklerteojotit illûnainik tetteĸartunik illingnut; tuksiarpogut Kristusib illagêktoĸotingit sillaksoarme illûnâne pivlugit. Ilumalaukit Anernernut angijororungnarĸovlugit okpernerme naglingnermelo saĸĸêrĸovluta iduarnerub paunganginik nâlegauvivit nertortauninganut inuit akkorngane.

Ill.

Ajokertortigut kivgartorĸovluta, Nâlegaĸ, illingnik idluarnitit malliklugit, tunitjivluta issumaksarsiorlugata kivgartornipta akkinga pivlugo, sorsutsiarĸovlutalo erĸsilugata, sullitsiarĸovlutalo merngoêrnersiorlugata akkiliksarsiorlugata kissianele Kaujimatitauvluta piniarapta pijomajarnik.   Amen

Lit.

Nâlegaĸ Gûde, Kairĸojileraiguvit kivgarnik ôktorĸovlugit angijoĸsoarnik, Kaujimatitiguttôĸ nertortaunersigapta pigiarnermu-ungitoĸ, pijarêrsimanermulle, Tâpsomuna pijarêrsimajokut piniartauĸojangnik tunitjivlune 73 inôserminik, Piuliklertivut Jesuse Kristuse.   Amen.

(Oĸâlaneĸ)

Lit.

Tuksiarta
Kujagivaptigit, Nâlegak, inôtsib saimartitsininginut tamainut; atsuilinermut, nukkeĸarnermullo, Ahaila Kujagivaptigit Kuviasungnermut illanâĸarnikkut, kivgartornermullo. Kujagivaptigit sillaksub ânanauninganut, angajoĸâllo naglingninganut, naglingernullo nellonaijartaujunut uvaptingnut sorusiôtiluta. Ikajulauktiguttôĸ akkiniarĸovluta akkiliksapta illanginik ikajorluta inuĸatiptingnik pijariaĸartnigine; Jêsuse Kristuse pivlugo.   Amen

Gûde, perĸojilauktotit nâlerĸovluta angajoĸâptingnik, ernikkullo, Piulijivut, saimartitsilauktotit angerarvit inôsingannik, Kennuvigivaptigit nagligijavut illavullo illunaita sapputilaukit; illa sapputilaukit nangianartunit timekut tarnekullo, ikajorlauktigullo piniarĸovluta piniaraksaptingnik taipkununga; attausiotitigullo nagliktigêngnerme opigosungnermelo illing- *   Amen

Nagliktotit nâpkigosuktotillo 74 Atâta, saimanikkut Kittorngaulertitauvogut illingnut, tunitjivigivlutalo sulliaksaptingnik kivgartoromarĸovluta illingnik inuĸatiptingniglo; tunitjivigitigut ômatinik nagligosuktunik inoĸattigêgungnarĸovluta ullapirsaume nellâgortome, nagliktigêngnermelo attausionermelo Kuviagijangnut, Jêsuse Kristuse Nâeegavut pivlugo.   Amen

Atâtaujotit illunainut, atsuiliniptingne Kuviasungniptingnelo inuit illûnaita siorniortut kiksartullo erĸaumavavut. Tuksiarvigivaptigit sorutsit Kanimajut pivlugit, sorutsillo peĸangitut angajoĸât naglingninganik, inuillo illunaita oĸumaineĸartut pivlugit. Pitsiartoĸsônerne mannigukkit ikajorlugillo Kaujimatsiarnernut Jêsuse Kristuse Nâlegavut pivlugo   Amen

Lit.

(uvlârmut) Ikajulauktigut, Gûde, uvlome piniatsiarĸovluta piniaraksaptingnik Kuviasungnerme katsungainGermelo ômatiptigut. Ikajulauktigut piniarĸovluta idluarnermik erĸsilugata sunamiglônêt. Soĸĸosijuititiguttôĸ nangminênarasuarlugatalo pitsartutitigut; tikkititaulaukta uvlub nâninganut kangusulugata ullapirsauteĸarlutale 75 issumaptigut; Jêsuse Kristusekut, Nâlegaptigut.   Amen

(unnungmut) Tunitjivigilauktigut, Kristuse, ullapirsautingnik unnuarme tamattomane, sapputilutalo uvlâb nuininga. tikidlugo Taipsomanelo tunitjiviolaukta nukkemik timiptingnut, pitsartunermiglo anernikkut, nâletsiarungnarĸovluta nellâgut illingnik. attît pivlugo   Amen.

Lit.

Piulijivut oĸarpoĸ, Kaititse uvamnut tamapse ajúlertose kappiasuktoselo naĸoĸsititsom avapse. Nangmautara illipsingnut pisiuk illiniarvigivlungalo; Kenuenama piojorijuilarmelo ômatimne; tagva merngoerserviksarsiniarpose tarnipsingnut Nangmautara idluarmat nangmagaralo oĸipoĸ. Uvanga Kaĸĸojauvunga inogutilik. Uvamnut Kaijoĸ kângniarungnairpoĸ; uvamnullo okpertoĸ imerosungniarungnairpoĸ

Nellopĸotimarigalloarapta Kaivogut sângnut ômunga tetteĸarluta idluarniptingnik-ungitoĸ nâpkigosungnernulle angijoksoarmik. Igville Nâlegauvotit taimaitomik, nâpkigitsainartomik. Ikajulauĸ-tigut, Nâlegak saimarsaijoĸ, nerrirĸovluta 77 Kaĸĸojamik ominga imerĸovlutalo ermgusearsungmit ômangat ivsornaitaurĸovluta illagêngniptigut illingnut ajorniptingnit, inôtsainarĸovlutalo illingne igvillo uvapingnêtsainarĸovlutit.

Amen.

Tuĸsiarneĸ

Nâlegaĸ Jêsuse Kristuse, nertorpaptigit Kujagivlutillo inungorlauravit toĸĸovlutillo Kejungme Senningajolingme piulijauniptingnut; Taipsomanelo tunilauravit tunnergutiksatut Oĸautsine Hailigine illijilauravit Kommunionemik erĸaumatsainarĸovluta toĸĸungnik pivianartomik Tamanna pivlugo erĸaumavisiorpogut nerrimâraksangnik kingorlermik illiniartivit akkorngane, Erĸaumavlutalo piniarnernik siorniornerniglo toĸĸungniglo, makkinerniglo toĸĸungajunit Kilaliarnerniglo, uvagut kivgatit erĸaumaviksiorpogut toĸĸungnik pijomajat malliklugo; Kujagivaptigillo nellopĸotilunginasugigaptigut nangerĸovluta sângnut.

Nikkanarsârluta Kennuvigivaptigit saimartitaurĸovluta Anernernut Ajungnermut Omartitsijomut 78 illijitiluta tunnergutinik ukkuninga Kaĸĸojamik wainemiglo una ikajorungnarĸovlugo taimatauĸ Taimak uvagut illagêktoĸotingillo illûnaita illaliorluta timingnik aungniglo okpernikkut taĸuaksarsijungnarapta tarnipta angijorortitauningannut saimanerme.

Tamanelo tunitjivogut illingnut, Nâlegak, nangminiptingnik, timiptingnik tarniptingniglo tunergutiksatut ivjornaitotut ômajotut Kennuvigivlutit uvagut illûnata Kommunionesiortogut illumajaurĸovluta saimanernut Kilaublo ullapirsautinganut.

Nellopĸotigalloaraptalo, idluitulliĸartarniptigut, tunitjigapta tunnergutiksanik, sullele Kennuvigivaptigit illaliorlauktiguttôĸ kivgartorniptingniglo ôktorlugatit nellopĸotmaringimangâpta, issumagijungnairvigivlutale ajorniptingnit. Illagêngneĸarlutalo Soĸĸosijuitunut nunamêtunut Kilangmêtullo tuksiarvigivaptigit uvagut inuillo illûnaita piulilauktiguttôĸ, Illingnullo Atâtanullo Anernernullo Ajunginernut nertortauleĸarle nakorijauneĸarlelo issoĸangitomut   Amen.

Nâlegapta Jêsunuarme taipsomane, pititaugame, Kaĸĸojaĸ tiguvâ Kujalivlunelo avgorpâ, illiniartiminullo tunivâ oĸarllunelo, “Tigulugo nerrisiuk tagva timiga tunijauniartoĸ pivluse; taimailioritse erĸaumajauniksamnut

***

Nerrisiuk, tagva Nâlegapta Jêsusib Kristusib timinga toĸĸomut tunijaumajoĸ pivluta

***

Taimaktauĸ ermgusiarsuk tigugivâ nerrijarêramik Kujalivlunelo tapkonunga tamna tunivâ, oĸarlunelo “Illûnase tagvangat imeritse, tagva auga, testamentitâb aunga, kovijauniartoĸ illipse pivluse, unuktullo pivlugit ajornerit issumagijaujungnairutiksanginut. Taimailioritse imerlerangapsiuk erĸaumajauniksamnut.

***

Imerisiuk tagva Nâlegapta Jêsusib Kristusib aunga kovijaumajoĸ pivluta, Kujalivluselo

***

Nâlekab pitsartutilitit saputilitillo

Nâlekab kênarminut Kaumaksarlittit saimartilitillo

Nâlekab kênarminut Kollangiarlittit

ullapirsautiminiglo tunitsivigilittit.

Jêsusib attingane   Amen.

Lit.

Kilait ilipse, opigosugitse! nunaĸsoaĸ igvit, ĸuviasugit, Nâlekab ânanaunersoanga saĸĸertitaujomârmat uvinigillo illũnamatsiatik takojomârpât; Nâlekab ĸanninga oĸarmat. Igvit, Zionib pannia, ĸuviasudlarit! Ahâk, attanit ĸaivoĸ illingnut; idluartôvlune piuliklerteovoĸ.

Sorutsit.  

Hosianna, Jêsus nakudlarpoĸ, Nâlekab attingane tikitoĸ. Tikingmatigut illa ĸuvianarpoĸ. Hosianna ĸotsiktome! Hosianna, nakorijaule ĸotsiktome!

Lit.

Pillorikput inôĸatigêksuit iggiaĸomijarungnartut. Nâlegaĸ, arvertarniarput kênavit ĸaumaningane. Kaut tamât attit pivlugo ĸuviasugomârput ĸagveromârlutiglo idluarnerne. Idluarnerub idluarsainerublo iksivautanga aulajuitipâk; saimarveĸarneĸ mikseĸârnerlo kênangata sânganẽpuk. 84 Oĸautisigik õmatimikkut kapiasuktut: Maksoatitse sivoraniaraselo! Ahâk, Gûdise tikilerpoĸ piulijomavluse. Iviksoaĸ suvlolik napvaujimajoĸ serĸomitsomângilâ mannerlo ĸammilertoĸ ĸammitsomânginivâ.

Lit.

Sôg nellojut perajaludlarĸât inuillo sullinatik oĸâladlarĸât? Attanersuit nuname akkerartorput nâlekallo ĸaggimioĸatigêlerput, Nâlegaĸ mingoartangalo akkerartorlugik. Kilangmẽtubleijûtigivait, Nâlekablo mittautigivait. Sukutsiane oĸarvigijomârpait 85 ningadlarlune ĸaningaumajârnerminullo ĸoaĸsârtitsomârpait. „Uvangale attaneĸotiga mingoarlugo attaningortilauĸpara ĸaĸĸaĸotimne Zioneme. Ernerivagit, uvlome ernertârivagit. Kenuviginga, tagva nellojut kingomgutijaksautitsomavakka illingnut sillaĸsûblo inungit perĸutautitsomavakka illingnut.“ Tagva mãna, attaniojose, sillatuleritse tennersartaurĸolerluselo, erĸartuijose nuname! Nâlegaĸ kivgartorsiuk sivoraluse ĸuviasuleritselo sajukluse, ningarninga ikkoalasarainiarmat. Pilloridlarpulle illũnatik tetteĸartut tâpsominga.

Lit.

Okperpunga Gûdib Ernituangata attinganut. Tamaitaĸsuit pingortitauvut tâpsomunga uvagullo pingortipâtigut. Okperpunga, uviniolilaungmat inôĸatigivlutalo kivgatullo ilerdlune. Sôrlo nutaĸĸat uvineĸarlutiglo auĸarmatta, taimailaurivoĸ, arnab erniaringmago, illinganingalo inuktut naipitaulauĸpoĸ. Illũnâne ôktortaumajoĸ uvaptitut ajorneĸaranele. Nâlekablo Anerningatalo tillilauĸpâk, oĸâlarĸovlugo Nâlekab jâringanik ĸuvianartomik. Kaujimajaminik oĸâlalauĸpoĸ takolauĸtaminiglo 88 kigligiutjivlune. Tâpsominga illaliortut pitsartunermik tunitjivigivait, ĸitorngaulerĸovlugit Gûdemut.

Lit.

Aĸaromârpoĸ ĸilangmit nippersoarmut kajungersarnartomut, Engelit attaningata nippinganut Gûdiblo tiptulautinganut, inôjullo toĸungajullo erĸartoriartorlugit. Tagva stunde nelliutsomârpoĸ illũnatik illuvernẽtut tussaromârviksangat tâpsoma nippinganik, annivlutiglo makkitsomârput erĸartuivingmut pijuksauvlutik. Engelillo ajungitut tamaita illagivlugit iksivajomârpoĸ iksivautamine ânanaunersoalingme inôĸatigêllo illũnamatsiatik sânganut kattititaujomârput.

Lit.

Imâgle Nâlegaĸ oĸarpoĸ: Ahammarik, ahammarik oĸaupapse: Oĸausimnik tussartoĸ okperivlugolo tillijiga, tâmna inôseĸarpoĸ nungusuitomik erĸartuivingmullo piniangilaĸ toĸomille inôtsemut nuktersimavoĸ.

Sivoraniarnak, piuligapkit, attît taivlugo ĸairĸogapkit, perĸutigigapkit.

Lit.

Tamattoma kingorngagut naggatiksaĸ, nâlegauvik pititsomârpago Gûdemut Atâtamut, nâlegaunerillo attaniotinerillo 90 pitsartunerillo tamaita attorungnairĸojomârunigit. Attaniotijariaĸarporle, omigijiminik illũnainik illijerĸârane ittikkame attânnut.

Lit.

Ahâk, tagga Gûdib tuppinga inungnẽtoĸ! Tâpsomalo iglomioĸatiginiarpait inuĸotigilaitalo. Gûdiblo nangmineĸ illaginiarpait tâpkoalo Gûdiginiarpât. Kugviornerillo tamaita Gûdib allarterniarpait ijinginit toĸolo itsungnairpoĸ kiksarnermiglõnêt niplianermiglõnêt ânianarnermiglõnêt pijoĸarungnairniarpoĸ, sivorliojut itsungnairmatta.

Lit.

Pigiarnerme oĸauseĸ ipoĸ oĸauserlo Gûdemẽpoĸ Gûdelo oĸausiojoĸ. Tamaitaĸsuit oĸautsemut pingortitauvut. Oĸauserlo uviniolerpoĸ inôĸatigivlutalo, (ânanauningalo takolauĸpavut ernituab Atâtamit pijub ânanauningatut) saimanelijartoĸ mikseĸârnelijartorlo.

Lit.

Ahâk, tikisimavoĸ angersimanerub Engelinga ĸillanârilauĸtavut. Tâpsomûna inôĸatigêksuit illũnatik saimausertaujomârput.

Kor. sorutsillo.  

Hosianna, Jêsus nakudlarpoĸ, Nâlekab attingane tikitoĸ. Tikingmatigut, illa ĸuvianarpoĸ. Hosianna ĸotsiktome! Hosianna, nakorijaule ĸotsiktome!

Lit.

Tâpsominga illaliortut illũnaita, tâpkoa pitsartunermik tunitjivigivait ĸitorngaulerĸovlugit Gûdemut okpertut tâpsoma attinganut. Kangusungilaĸtauĸ ĸatangutiminik taivlugit.

Lit.

Kitorngaujuĸsat tikilerput tâpsomunga mitsuksoatut ĸaub aupalungningata sânganit sôrlo. Kitornganik unuktunik ânanaunivingmut pititsijomârpotit, Nâlegaĸ piulijigijangat.

Kor. sorutsillo.  

Hosianna! nertortaule tikitoĸ Nâlekab attingane!

Lit.

Katangutine illũnâne adsigijariaĸalauĸpait nâpkigosulerlune nellâgôrtomiglo ajoĸertuinerolerlune Gûdib sângane. Illũnânelo ôktortaumajoĸ uvaptitut ajorneĸaranele. Siorniulauĸlune nangmineĸ ôktortaumagame, ikajorungnarpait ôktortaulertut.

Lit.

Nutarârsuk erniangovoĸ uvaptingnut. erneĸ tunijaumavoĸ uvaptingnut: nâlegauninga tuinganẽpoĸ; atteĸarporlo: tatamnadlartomik kajusimajormik, Gûdemik pitsartujoĸsoarmik, Atâtaujomik issoĸangitomut. Nâlekamik ullapirsaijomik. Nâlegauvik angijorortitsomavlugo, ullapirsauteĸatsainartitsomavlugo Davidib iksivautanganẽpoĸ attaniovinganelo, 100 âĸiksorlugo erĸartuitsiarnermut idluarsainermullo mãnanit issoĸangitomut.

Lit.

Gûdib illagikpattigut, kia akkerartorungnarpâtigut? Tâpsoma Ernine aglât ivlerinago tamaptale pivluta tunidlalauramiuk, tâmna illagivlugo tamainik tunitjiviginajangipâtigût?

Kor.

Gûdivut ĸotsingnermẽtoĸ nakoridlartaule, ullapirsauteĸarle nuname inungnelo ĸuvianartoĸarle!

Lit.

Ikajortaunera Nâlekamit pivoĸ, ĸilangmik nunamiglo senalauĸtomit. Tâpsoma ittikkatit ĸoitârĸoniangilait serngnigijillo sinnilungilaĸ. Ahâk, Israelitit udsertortingat sinningilaĸ sikkungingilarlõnêt. Nâlekab sapumijarpâtit, Nâlegaĸ tachalinerivat aggakpit tallerpikpit ĸânganne. Nâlekab saputivâtit ĸanoetunit tamainit, tarnît sapumijarpâ. Nâlekab anninît saputivâ iternîllo mãnanit issoĸangitomut. Nâlegaĸ, sunamik nerriuktuksauvîk? Nerriungnera illingnẽpoĸ.

Lit.

Uviniggit illũnatik iviksukatitun-iput, inûblo pinarnarninga illũnane iviksukat nuvugolângititun-ipoĸ. Iviksukat pannilerput nuvugolângillo ĸunorlerput. Sillaĸsoaĸ nungujomârpoĸ allianarningillo, igville sôrlo illingagavitut itsainarpotit 105 jâritillo naggaserniatsengilat. Uvluksakka aggangnẽput. Unertutilaunga apĸutaurĸojarnik arvertarĸovlunga mikseĸârnerne! Ipperarniarnangatôĸ aggatillo pêrniarnagit uvamnit, Gûde piulijiga! Attît pivlugo aulatilaunga tessiorniarlungalo!

Lit.

Attinga ivlernartoĸ nertorutigisiuk! Nâlekamik ĸennerasuartut õmatingit ĸuviasuglit! Nâlekab attinga saputsauviksauvoĸ sôngojoĸ; idluartub aĸpangervigivâ saputijauvlunelo. Illipsingnut, attimnik nâlektunut nuijomârpoĸ seĸĸineĸ idluarsijutaujoĸ, inûlinartunik issagutâlik. Jêsusib Kristusib assianik piulijiksaĸangilaĸ atteĸangilarlo assianik 106 ĸilaub attâne inungnut tunijaujomik, tâpsomunga piloriktitaurĸovluta. Tagga Imânuel!

Lit.

Imâk oĸarpoĸ Nâlegaĸ: Ahâk, nutâmik senajomavunga. Missigingipisiûk? Illa, apĸosinelioromârpunga inuĸajuitome inuĸajuitorlo kôĸartillugo. Nippiga nâleksiuk, tagva Gûdiginiarpapsinga illipselo inuĸotigijomavapse; arvertaritselo apĸosinerne attortaurĸojamne illũnaine, piloridlarĸovluse! Kanoĸtôĸ perĸojakka nâleksigik! tagva ullapirsauteĸarnît kôktut illinganajarpoĸ idluarsinîllo imarbiksûb mallingititut.

Lit.

Nâlekablo Gûdipta illanâĸarningata ĸollangiarlitigut; aggaptalo piniarningit igvit sullitilaukkittôĸ!

Lit.

Nâlegaĸ Gûde, atâtavut ĸilangme,

Ill.

attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit!

Kor.

Nâlegauneĸ pitsartunerlo ânanaunerlo pigigangne issoĸangitomut.

Ill.

Amen.

Lit.

Nâlegaĸ Gûd Erneĸ, sillaĸsoarmiut piulijingat,

Ill.

illagẽnartigut!

Lit.

Nâlegaĸ Gûd, Anerneĸ ajungineĸ,

Ill.

issoĸangitomut najortigut!

Lit.

Nâlegavut Jêsuse Kristuse,

Ill.

nâpkigitigut!

Lit.

Igvit, illagêktut Gûdingat atâtangallo,

Ill.

nagligitigut!

Lit.

Omatinik kiglisiniartôjotit, Gûd Anerneĸ ajungineĸ,

Ill.

timivut inigijatit ivsornainermẽtitsainakkit idluarsitillugillo!

Lit.

Tarninga (nangminerminik) tunergutiksatut sattûtiksatut tunikpat, kinguvâksaminik takojomârpoĸ, uvluksane unuksitillugit, Nâlekablo idluarijanga pivalliatitaujomârpoĸ aggangitigut. Tarnime siorniorninga pivlugo nãmaksititaunerminik takojomârpoĸ illitarĸsinerminullo kivgama tâpsoma idluartotôjub unuktoĸsuit idluarsititsomârpait, ajorningit pêjaramigit.

Tamanna pivlugo angijoĸsoarnik illangiutititsomârpara pitsartuneliksuillo aitûtigijomârpait aĸsârnigaujutitut 110 imâk pivlugo: inôtsine tuningmago toĸomut.

Oĸauseĸ okpernartoĸsôjoĸ tamatja, angijomik nâleluariaĸarneĸ, Kristuse Jêsuse nunamut tikingmat idluitullijut piulijartorlugit.

Lit.

Uititse perorsêviglo takolersiuk; perortut ĸaĸĸorsijarêrput kattitaksauvlutik. 111 Kattersivik angijôvoĸ, senajuksalle ikkidlarput. Tamanna pivlugo kattitaksat inuat tuksiarvigisiuk, senajuksanik tilliklerĸovlugo kattersivingminut.

Lit.

Imâk oĸarpoĸ Nâlegaĸ: Jerusaleme, pigârtuksanik pititsivunga avaloĸsoaĸotivit ĸângannut; uvloĸ nâvlugo unnuarlo navlugo nippangertuksaungilat. Ilipse, Nâlekamik erĸaititsijose, nippangerniarase, nellojut takkorĸovlugit idluarsinernik nertornautiksangortitaumagavillo nuname.

Ijîkik uitarlugik avatingnẽtunik takunârit; tâpkoa illũnatik kattimgavlutik tikipâtit. Tagva takunârlutit erĸiertoromârpotit õmatillo tiglerlunelo angijororomârpoĸ, pivianartoĸsuit imarbiksûb kiglinganẽtut nûtitaukpatta illingnut nellojoĸsuillo perĸutigijangita tikipattit.

Lit.

Kikkertat utaĸĸivânga, oĸarpoĸ ĸilangmiugasaksuit Nâlegangat, umiaĸsuillo sivorliovut, ĸitorngatit tamaungartitsomavlugit ungasiktomit Nâlekab Gûdivit attinga pitjutigivlugo ivlernartitorlo Israêlikkune pitjutigivlugo, ânanausingmattit. Ahâk, tâĸsûb nunaĸsoaĸ ullikpâ tâĸsinerublo nunaĸatigêksuit ullikpait, kissianele ĸollikkut Nâlegaĸ nuivoĸ, ânanaunersoanga saĸĸijârpoĸ ĸollikkut, seĸĸinerub nuivinganit nippivinga tikidlugo Nâlekab attinga nertortaurĸovlugo. Nellojullo ĸaumanerijarnut arvertaromârput attanivillo ĸollikkut nuilertub akkisungninganut. Makkilerit ĸaumalerlutillo, ĸaumartiksat tikingmat Nâlekablo ânanaunersoanga ĸollikkut nuingmat.

Lit.

Illa igvit Gûdeojotit tamainut, nertortaujotit issoĸangitomut, inungnut illũnainut piuliklerteolilaurit, pingortitatit tamaita nâpkigikkit. tamaita illikut ullapĸosilaurangne nangminernut nunamẽtullo ĸilangmẽtullo.

Ill.

Tussalaungmitigut, nagliktotit Nâlegaĸ Gûdelo!

Lit.

Illagêngoĸativut nellojunit pijut saimakkit saputivlugillo ijib takkonatingatut; ĸaumaksaijungortilaukkit inuit akkornganne, tâĸtomẽtut toĸublo tachalininganẽtut sulle ĸaumaksartaurĸovlugit!

Kor.

Nellojose tamapse, Nâlegaĸ nertorsiuk!

Ill.

Inuillo tamapse, nakorisiuk!

Lit.

Tillijatit nellojunut saputilaukkit imakullo nunakullo; oĸausingit kigligiutjijut aungnik illaĸartikkit anernermik pitsartunermiglo. Nunaĸarningit nane ĸaujimavattit sullijangillo, torĸormatsuglo oĸauseĸ Kenuersârnernik. 114 Saputilaukkit nelliutomit ôktorlungnartomit attîllo hailigeojoĸ taijaule pivlugit! Manigoruteĸarlit, illagêgutêĸaramik tuksiarutjaugamiglo illagênut tillijigijamingnut ĸannivit perĸojanga malliklugo. Naglingneĸ, ikkomatut ikkoalajoĸ, nagligutigijat uvaptingnik, ikkitsuk illagêngniptingne. Akkonaptingnêtoĸatsainartitsilaurit issumaĸartunik kigligiutjijutitut taipkotitunaĸ unuktutitut, inôsermingnik ivlersilaungitutitut toĸo tikidlugo aglât. Illũnamassiata, taipkoa uvagullo, pitsartutilaungmitigut nunangine nunaptingnelo tamaine!

Kor.

Gûde, Gûde, Nâlegara, pivlunga toĸomut aulaumajârtitauvlutit, kiagungnitit auktun iput. Okpernera 118 tagva tataminiarpoĸ. Inôseĸ nangmineĸ toĸomut aivoĸ ajornikka pivlugille.

Kor.

Ahâk, Gûdib saugârsunga, sillaĸsoarmiut ajorninginik nangmartoĸ!

Kor.

Nachogijaunerpângolauĸpoĸ kamagijaunanelo, illũnane ânialik ĸanimasiliglo; taimak nachonalauĸtoĸ, illũnatik kênatik tâpsomangat allarmatsuk.

Kor.

Passijaksaungitotit, toĸojotit ĸejungme, pêjangikungne ajornivut, assionajalauĸpogut, Ullapĸosertigut, Jêsuse, Jêsuse!

Kor.

Kugvinut merngortoruma, toĸoleruma, toĸut ullapirsautigivara tettigivlugo! Aggangnut tessiulaunga, sajukuma, ĸollaruma uvluma kingorlianne angerarvimnut!

Kor.

Toĸolauravit pivluta, nagliktoĸ Nâlegaĸ, manigortigut!

Tikitsomârnernut uvaptingnut angerarĸojauniptingnullõnêt manigortigut!

Inôtsivit piniarninginut, ânianernut, toĸonernut, Nâlegaĸ, saimausertigut!

Merngoersernernut illuverme ivsornaitikit merngoerservivut!

Tamapta tussugivavut Nâlekamẽnivut pilloringnermelo illa takojomavlugo.

Kor.

Atâtâk, issumagijungnaivigikit. sullijatik nellungmagit!

Kor.

Passijaksaungitotit toĸojotit ĸejungme, pêjangikungne ajornivut, assionajalauĸpogut. Ullapĸosertigut, Jêsuse, Jêsuse!

Kor.

Ahammarik, ahammarik oĸaupagit: Uvlome aiparilârpagit Paradîseme.

Kor.

Nâpkigosungniojotit igvit, Gûb saugârsunga, nunamit avileruma, imâk manigormilaunga: Uvamnêlârpotit Paradîseme!

Kor.

Arnaĸ, ahâk, tagga ernît! Igvillo, ahâk, tagga anânat!

Kor.

Kapiaktoalerpoĸ sorsugiarêrĸârane illuvermullo illijaurĸârane. Gûdîk, Gûdîk! sôg ĸemakpinga?

Jêsus nipliavoĸ: Imerukpunga!

Nãmaksivoĸ! âniagêrpoĸ; piulijauvogulle, saugârsuk toĸotaungmat. Nãmaksivoĸ!

Kor.

Atâtâk! anernera aggangnut perĸovara! Niaĸune nairlugo toĸolerpoĸ.

Kor.

Jêsusib niaĸone nairpâ anernangerlunelo illuvertauvlunelo aglait malliklugit; merngoerservingalo nertornaromârpoĸ.

Kor.

Toĸolauravit pivluta, nagliktoĸ Nâlegaĸ, manigortigut!

Tikitsomârnernut uvaptingnut angerarĸojauniptingnullõnêt manigortigut!

Inôtsivit piniarninginut, ânianernut, toĸonernut, Nâlegaĸ, saimausertigut!

Merngoersernernut illuverme ivsornaitikit merngoerservivut!

Tamapta tussugivavut Nâlekamẽnivut pilloringnermelo illa takojomavlugo.

Kor.

Merngoerserpoĸ mãna, nekoĸsijaujomavlune. Sabbateovoĸ, Nâlekab merngoerservia ivsornaitoĸ. Merngoerservialo nertornaromârpoĸ.

Kor.

Sinnilaurle merngoerserle! Ullapirsaume sinnilerpoĸ. Anianartoĸsôjunut aĸtorsartitaumajoĸ. Ullapirsaut mãna amma pigẽnarpâ nekoĸsitigivlugo; timingalo ikkilertaĸ illuverme sinnilerpoĸ.

Kor.

Siorniudlarnernit merngoerserpotille. Salutidlarpaptigit õmatiptingnut mãna siningnermut nuname.

Timinga nertorlugo, tarnîk, pâmangalaurit; mingoakkit ikkingit ĸugvinut onartunut.

Illuverme siningningat ullapirsaumelo ikpigitipânga ullapirsaumik, kiksarnera pêrlugo.

Toĸungat inôsera nutângortipâ; merngoerservigalo ivsornaitilaurivâ illuvermẽnerminut.

Manigornadlarmêk! Tupaktitsomavlunga uvanga aivigilârpara; tâmna nertordlerutinut nakorijomavara.

Illuvut kakkilângavut. Pâmagitse sanganut, makilerĸârtinase.

Lit.

Nâlegaĸ sôngonerivavut imgerutigivlugolo; Nâlegaĸ illangiusiarivavut 157 inôjut nunanganne. Iggiaĸomijarnermut piulijauneĸ imgerutigijauvoĸ idluartut iglungine. Nâlekab tallerpinga sâlaĸatsainarpoĸ. Halleluja!

Lit.

Gûdible ullapirsaijub, toĸungajunit annititsijub saukkat mianerijersoangannik, tâpsoma idluarsârlise senavlunelo illupsingne ĸuviagijaminik Jêsuse Kristusekut; tâmna nâlengnarsile issoĸangitomit issoĸangitomut.   Amen.

Lit.

Imânuêle, sillaĸsoarmiut piulijingat,

Ill.

illagitsainartigut!

Lit.

Inôtsivit âniavillo toĸovillo akkiliutiksarsêninginut tamainut

Ill.

pitsartutitigut, nagliktotit Nâlegaĸ Gûdelo!

Lit.

Sâlaĸarlutit makkinernut,

inub erningata uvlungita kingordlinginut,

ĸilaliarnernut ânanaudlartomut,

iksivalernernut Gûdib tallerpiata tungâne,

tuksiutsinernut pitsartudlartomut,

najornernut nekoĸsinartomut

Ill.

pitsartutitigut, nagliktotit Nâlegaĸ Gûdelo!

Lit.

Tikitsomârnivit uvaptingnut angerarĸojauniptalõnêt illingnut

Ill.

manigorlitigut, nagliktotit Nâlegaĸ Gûdelo!

Lit.

Tâmna nertortautsainarle soraingitomik illagêktune uttaĸijingine najorninganẽtunelo issoĸangitomit issoĸangitomut.   Amen.

Imâk oĸarpoĸ Nâlegaĸ: Kivgartoromajub uvamnik malliklinga, najukamnelo kivgara tagvanêtsomârivoĸ. Atâtamalo uvamnik kivgartorniartoĸ nertoromârpâ.

Lit.

Sillaĸsoarmiut illũnatik Nâlegaĸ iggiaĸomijarvigilitsuk; illagêt ivsornaititaujut nakorilitsuk! Kujagidlarsiuk tatamnartulliningillo tamaita oĸautigisigik! Kia Nâlekab piniarnersoangit nâvlugit oĸautigijungnarĸagît, nakorijungnarlugo nertornarninga tamât?

Lit.

Kilait, kussileritse pângat nuvujanillo idluarnermik ĸorlortoĸarle! Nuna aitarle, piulijaujutiksarnik annititsivlune. Igvit, Nâlegaĸ, pingortipat. Gûde, inuĸotitit sivulerlugit sunaĸajuitokut ingergalauravit, tagva nuna sajukpilulaukpoĸ ĸilaillo kussilauĸput Sinailo sajukpilulauĸpoĸ Nâlekab Israêlitit Gûdigijangata sângane.

Mãnale, Gûde, saimanartunik kovisivotit sillaluktut kingormgutijatillo nukkingerutisimajut nukkiksarpattit, inôseĸartillugit Gûdemit pijomik, pattangajullo nekoĸsitipattit pitsiarnernut.

Lit.

Nâlegaĸ, ĸilait tatamnartullinit nertoromârpait Gûdiblo mikseĸârninga oĸautigijaujariaĸarpoĸ illagêne ivsornaititaujune.

Lit.

Sivorngane ungasiktomẽlauĸpose Kristuseĸalaungitoselo, mãnale ĸannilerpose Kristusib aungagut ivsornaitullo kinguvângoĸatigivâse, Gûdiblo iglungane iglomioĸatauvose. Taimaimat attinga ĸujagidlarsiuĸ, piniarningit oĸautigisigik inôĸatigêksuit akkornganne, illipsingnik ĸairĸojijub piniarningit ajungitut, kairĸungmasse ĸaumanerminut tatamnartomut, nunat illũnaita illumertaurĸovlugit tâpsoma nertornarninganik. Illipsingnit oĸangilase, atâtapsele anerningata oĸartipâse. Ahâk, Nâlekab oĸautsit tunivait, 167 oĸautsinik tussarnertunik oĸâlajut unuktoĸsôvut.

Lit.

Upkoaĸsuit upkuersigik, inôĸatigêt idluartitaumajut okpernermiglo ivlersijut itterungnarĸovlugit. Nâlegaĸ nertorsiuk imgerluselo: Iglugasaksoaĸarpogut aulajungnangitunik, avalungit sappûlutangillo piulijauviksauvut.

Lit.

Imarbiub imaĸsoangit iktullijâralloarpatta, auladlaralloarpatta aulajâdlarninganullo ĸaĸĸat sajukpiluktitaugalloarpatta, — tagga kôksoaĸ! Kôgarsungita Gûdib iglugasaksoangit ĸuviasuktipait. Gûde tâpkonanẽpoĸ, tamanna pivlugo aulaniatsengilat. Gûdib ikajorpait uvlârarsukut. Halleluja!

Lit.

Uvlut kingordlingine imaitsomârpoĸ, oĸarpoĸ Nâlegaĸ: Inungnut tamainut anernera kovijomavara, Nâlekablo attinga taivlugo tuksiartoĸ piulijaujomârpoĸ. Nâlegaĸ nakorijaule issoĸangitomit issoĸangitomut illagêktoĸotingillo oĸarlit: Amen, Nâlegaĸ Jêsuse, ĸait!

Lit.

Nâlegapta Jêsusib Kristusib atâtanga sêrĸortorvigivavut, atâtaujotôjoĸ tamainut ĸitornganik taijaujunut ĸilangmelo nunamelo, tâpsomunga tunidjiviorĸovluta pitsartunermik ânanauningata amigangidlarninga malliklugo sangijôtitauvluta anerninganut illuptigut, okpernermut Kristuse inneĸarĸovlugo õmatiptingne, amâtsiortaulerĸovluta tunganilijaulerĸovlutalo naglingnerme.

Lit.

Tarnime siorniorninga pivlugo nãmaksititaunerminik takojomârpoĸ illitarsinermullo kivgama tâpsoma idluartotôjub unuktoĸsuit idluarsititsomârpait, ajorningit pêjaramigit.

Lit.

Kristusib tamaita toĸotigivait, inôjut kingorngane nangminermingnut inôniarĸonagit tâpsomungale pivlugit toĸolauĸtomut makkisimangmijomullo.

Lit.

Nâlegapta Jêsusib Kristusib nangmineĸ Gûdiptalo atâtapta, uvaptingnik nagligosuktub, saimarsainerminullo manigornartomik nâksaungitomik nerriugijaksamiglo ajungitomik tunidsivigilauramitigut, tâpsoma õmatise ĸaiblarligit nekoĸsitiluselo ajoĸertûtseme piniarnernelo tamaine ajungitune!

Lit.

Nertortaule Gûde, Nâlegapta Jêsusib Kristusib atâtanga, annerilaungmattigut tâpsomûna sillaĸsoaĸ tunganilijaurĸârtinago, piulilaungmattigut tâĸtub pitsartuninganit nuktertilutalo ernerme erdligijarme nâlegauvinganut saimausilaungmattigullo anernelingnut saimanartunut sunatuinarnut, ĸilaub pinginik illangiutitiluta Kristuseme. Tâpsomûnatauĸ, okpililaurapta, Anernermik ajunginermik naĸĸitjusertaulauĸpogut. Tâmna kingormgutijaksaptingnut nellunaikutarivavut inuĸotingita piulijauviksangat tikidlugo, ânanauninga nertortaurĸovlugo.

Lit.

Kaujimaleritse, nunguniartomut silberemullõnêt goldemullõnêt piulijaunginapse piusikullupsingnit atâtanut adsiunipsingnit, Kristusible aunganut erdlingnartomut saugârsutut sinaungajuitotut ivsornaitotullo ilauĸtub.

Lit.

Gûdib nerriuktitsijub illumertilise tamainik ĸuviasungnermiglo ullapirsaumiglo okpernermut, nerriugijaksaĸammarerĸovluse Anernerub ajunginerub pitsartuninganut!

Lit.

Tâmnale illipsingnik saputsijungnartoĸ, passijaksaunase pidlaraksaunaselo saĸĸertitsijungnartoĸ illipsingnik ĸuviasukluse, Gûde tâmna sillatojotôjoĸ, piulijivut nertortaunermik pile opigijaunermiglo pitsartunermiglo ajugaĸanginermiglo mãna issoĸangitoĸsoarmullo.   Amen.

Lit.

Halleluja! Nâlegaĸ nertorsiuk ivsornaitoviĸotingane, nertorsiuk aulangitoĸotingane sôngojome! Nertorsiuk piniarnersoangit pivlugit, nertorsiuk ânanaunersoanga malliklugo! Illũnatik anerniggit Nâlegaĸ nertorlitsuk!

Lit.

Inornarmêk Gûdib akluitoĸsôningata ittininga tamangnik: sillatujoĸsônermik nellotuitoĸsônermiglo! Illa, tâpsoma kajusimaningit tukkisijaujungnangilat apĸutingillo nautsertortaujungnaratik! Tâpsomangat tâpsomûnalo tâpsomungalo illũnamatsiatik ingmatta. Tãmna nertortaudlarle issoĸangitomut.   Amen.

Lit.

Kristusib nagligilauĸpâtigut ubvarlutalo ajorniptingnit aungminut. Attanivingortillutalo ajoĸertuijungortilauĸpâtigut Gûdemut atâtaminullo. Tâmna nertortaule ajugaunerovlunelo issoĸangitomit issoĸangitomut.   Amen.

Lit.

Ijib attautsiblõnêt takolaungitanga siutiblo attautsiblõnêt tussalaungitanga 181 inûblo attautsiblõnêt õmatingata issumagilaungitanga, tamanna Gûdib âĸiksulauĸpâ nagliktiminut. Uvaptingnulle Gûdib nellonairtilauĸpâ anernerminut. Mãna ĸemergovogut sôrlo tachartûtikut erginaisiorluta pijomârtomele kenarmit kênarmut.

Lit.

Imâk Gûdib sillaĸsoarmiut nagligivait ernituane tunivlugo, illũnatik okpertut tâpsomunga assiorĸonagit nungusuitomigle inôguteĸarĸovlugit.

Naglingneĸ tamadja: uvagut Gûde nagligigaptigoungitoĸ, tâpsomale naglingmattigut erninelo tillilaungmago, ullapirsautaurĸovlugo ajornivut pivlugit.

Lit.

Nertortaule Gûde, Nâlegapta Jêsusib Kristusib atâtanga, annerilaungmattigut tâpsomûna sillaĸsoaĸ tunganilijaurĸârtinago, piulilaungmattigut tâĸtub pitsartuninganit nuktertilutalo ernerme erdligijame nâlegauvinganut, saimausilaungmattigut anernelingnut saimanartunut sunatuinarnut, ĸilaub pinginik illangiutitiluta Kristuseme, pijungnartilaungmatigut ivsornaitut kingormgujiĸatigivlugit ĸaumajome, saimarsautinga ânanaujoĸ nertortaurĸovlugo.

Kemergotitse, ĸanoĸ angijomik naglingnermik Atâta saĸĸijârtitsilaungmat uvaptingnut, Gûdib ĸitornganginik taijaurĸogamitigut!

Lit.

Gûdib saimanartunik tamainik perĸutitaliksûb, uvaptingnik ĸairĸojijub ânanaunersoarminut issoĸangitomut Kristuse Jêsusekut, tâpsoma nangmineĸ âĸiksulitigut nãmaktomik nekoĸsitilutalo pitsartutilutalo tunganilitilutalo!

Lit.

Inuk sunauvâ, taimak issumagigangne, inûblo erninga, taimak pairigangne. Nâlegaĸ, piniarnitit angijovaksôvut illa unudlartoĸsôvlutiglo. Illũnaita sillatuvlutit âĸiksulauĸpattit nunalo nâmavoĸ perĸutingnik. Arloritse takovluselo! Kina makkoninga pingortitsivâ? anitsijoĸ unurninginik, kittilugit attingillo taivlugit, ajugaĸangitoĸsôngmat pitsartujoĸsôvlunelo; saĸĸijângitoĸangilaĸ attautsemiglõnêt.

Lit.

Nâlegavut angijôvoĸ pitsartujoĸsôvlunelo, sillatuningalo ôktortaujungnatsangilaĸ. Nellekârluse Nâlegaĸ ĸujagivlugo imgervigisiuk, Gûdivut nipliajorvigisiuk harfinut. Kilangmik ulliksijoĸ nuvujanut sillalungmiglo âĸiksoijoĸ nunamut, iviksukkanik perorsatitsijoĸ ĸaĸĸane, ômajunik nerĸiksaĸartitsijoĸ, tullugârĸanik nipliajunik tâpsomunga. Gûdib puilaviarsunga imeĸarpoĸ nãmamariktomik.

Lit.

Nâlegaĸ saimarveĸarpoĸ nâpkigosuklunelo ĸenuelunelo pitsiarlunelo angijomik. Nâlegaĸ pitsiarpoĸ illũnainut piniartanelo tamaita nâpkigivait. Illũnatik ijingita miperpâtit, igvillo nerĸiksanginik tunitjivigivattit nelliuningine. Igvit aggaktit issivitipattit anernigillo illũnaita nãmaksitipattit ĸuviasuklutit. Kanerma Nâlekab nertornautâ oĸautigijaksarivâ, uviniggillo illũnatik attinga nertutsainarlitsuk sorairatik.

Lit.

Gûdib illagikpattigut, kia akkerartorungnarpâtigut? Tâpsoma ernine aglât ivlerinago tamaptale pivluta tunidlalauramiuk, tâmna illagivluge tamainik tunitjiviginajangilâtigut? Taimaimat issumajârase sumiglõnêt, illũnainigle pijomajapsingnik Gûdemut nellunaijaileritse, tuksiarluselo ĸenuvluselo ĸujalivluselo.

Tarnik Nâlegak nertoruk, illumalo tamât attinga hailigeojoĸ; Tarnik Nâlegak nertoruk, puigorniarnaglo sunamik ajungitullivigilaungmattit. Issumagijungnainiktok ajornernik tamainik; 191 inuliklertorlo Kanoênernik tamainik; Piuliklertoĸ inôsernik asserornermit; niaĸosêjoĸ illingnik, saimarviĸarnermik nâpkiningnermiglo.

Nâlegak nertorpara attanertortiga; unnuarmetauĸ tâktuma kaiblarpânga. Nâlegak tautukôtsainarpara tallerpingnêmat aulaniangilanga

Lit.

Nertortaule Jêsuse Kristuse ikpeksaĸ uvlomelo issoĸangitomullo tâmnatsamaĸ. Tâpsomûna illũnatik pingortitauvut ĸilangmẽtullo nunamẽtullo, takuksaujullo takuksaungitullo, iksivautaĸsuillo nâlegauvillo attaniotinerillo pitsartujoĸsuillo. Illũnamatsiatik pingortitauvut tâpsomûna tâpsomungalo. Tamaitaĸsuillo perĸârtinagit tâmna ilauĸpoĸ tamaitaĸsuillo tâpsomunga pairijauvut.

Lit.

Kristuse tikipoĸ ajoĸertuinerolerlune perĸutinik pijomârtunik. Aungminut nangminerminut atausiarlune ivsornaitovingmut iterpoĸ, issoĸarniangitomik piulijauviksamik piniarutjivlune. 195 Tâpsomane piulijauviksaĸarpogut aunganut, tamadja ajornernit issumagijaujungnainermik.

Lit.

Kristuse attaniovoĸ tunitjiviojoĸ pitsartunernik tamainik ĸilangmelo nunamelo Nâlegaĸ pairijigivavut ajoĸertortigivlugolo attanerivlugolo. Tâmna nertortaule issoĸangitomut!

Lit.

Nertortaule Nâlegaĸ, nertortaule attinga ânanaudlartoĸ inuĸotingita iningine tamaine mãna issoĸangitomullo! Halleluja,   Amen.

Lit.

Tarnipta Nâlegaĸ nakoridlarpât anerniptalo Gûde piulijivut ĸuviasugvigivât, nutarârsuk erniangongmat uvaptingnut, enneĸ tunijaungmat uvaptingnut. Nâlegauninga tuingẽnepoĸ atteĸarporlo: tatamnadlartomik kajusijomik, Gûdemik pitsartujoĸsoarmik, atâtaujomik issoĸangitomut, Nâlekamik ullapirsaijomik. Davidib amârivlugolo kinguvârivâ uvloriangojoĸ ĸausiut ĸaumaridlartoĸ.

Lit.

Nakoridlartaule Nâlegaĸ, inuĸotine nellipsarlugillo piulingmagit. Gûdipta õmatingata nâpkiningningagut nuijub ĸotsingnermit nellipsarpâtigut, itikavut torârtillugit apĸomut 199 ullapirsartauvionartomut inuĸotingillo illitarsitillugit piulijiksamik, ajornernit issumangnarungnaitomik.

Lit.

Nertortaule Inûb Erninga ânanaudlartoĸ! Tâmna Gûdib tallerpiane iksivavoĸ nâlektauvlunelo Engelinut sôngojunullo pitsartudlartunullo. Tâmna Alfauvoĸ Omegauvlunelo, pigiarniovlunelo naggatauvoĸ sivorliovlunelo kingorliovoĸ ômavlunelo.

Lit.

Jêsuse Kristuse kikiaktorsimajoĸ Gûdib illisimajutiksangortipâ idluarsijutiksangordlugolo ivsornaijutiksangordlugolo piulijaujutiksangordlugolo. Perĸutit illisimajutiksat illitarsijutiksallo tamaita tâpsomane ijersimavut.

Lit.

Tâmna ullapirsautigivavut, seningajolikut ullapĸosermattigut Gûdemut ningarosungnerlo toĸolugo ingmigut. 202 Tâpsomûna tamapta apĸutiksaĸarpogut Atâtamut anernerme attautseme.

Lit.

Sillaĸsoarme kapiasungneĸarpose, manigoritsele, sillaĸsoaĸ sâlagivara.

Lit.

Kristusib toĸo nukkingertipâ inôtsemiglo asserojuinermiglo ĸaumajomut pititsivlune. Tâpsomunga okpertoĸ inôjomârpok toĸogalloarune.

Lit.

Sivorliovlunelo ĸingorliojoĸ, toĸolauĸlunelo ômarmijoĸ imâk oĸarpoĸ: Soĸĸosijuilerit toĸo tikidlugo, tagva niaĸôtemik ômanartomik tunitjivigijomagapkit.

Lit.

Amen, Amen! Kujalinermiglo opigosungnermiglo piviojariaĸarpotit uvaptingnut, Nâlegaĸ Gûde, Anerneĸ ajungineĸ Atâta Ernerlo illaliudlugik.

Ivlernarpoĸ, ivlernavpoĸ, ivlernarpoĸ ĸilangmiugasaksuit Nâlegangat; nunat illũnatik illumertauvut tâpsoma nertornarninganik.

Lit.

Anerneĸ ajungineĸ, Gûdeojotit issoĸangitomit, Atâtamit pijotit Nâlegaptingnullo Jêsuse Kristusemut tillijaumajotit uvaptingnut, opigidlarpaptigit nakorivlutillo, Gûdib illagêktoĸotingit nuname kattersorangne pairivlugillo saputivlugillo. Okpertut illũnaita nunamẽtut ĸairĸovattit oĸautsinut tussarnertunut kattitilugillo ĸaumaksarlugillo ivsornaitillugillo. Jêsuse Kristusemêtsainartipattit okpernerme mikseĸârtome. Illagêt tâpkoa akkornganne ajornivut okpertullo illũnatik ajorningit uvlut tamaita nãmaktomik issumagijungnairpattit. Nertortaudlarit issoĸangitomut!   Amen.

Lit.

Halleluja, Gûde piulijigivavut. Nâpkigosungnerminut tâpsoma piloriktilauĸpâtigut erniangupsârnerub ubvautânut anernerublo ajunginerub nutângortitsininganut, Gûdib kovilauĸtangata uvaptingnut amigangitomik Jêsuse Kristusekut piulijiptigut, uvagut tâpsoma saimarsautânut idluartitaumalertogut nerriungnermik kingormgujijuksaurĸovluta inôtsemik nâksaungitomik. Uvaptingnut ĸitorngaptingnullo oĸautsit ukkoa illingavut ungasiktomẽtunullo tamainut, Nâlekab Gûdipta ĸairĸojomârtanginut.

Lit.

Nâlegaĸ nertorsiuk mãna oĸarluselo: Iglugasaksoaĸarpogut aulajungnangitunik, avalungit sappulutangillo piulijauviksauvut. Kôgarsungita Gûdib iglugasaksoangit ĸuviasuktipait. Kuviasukluse imeĸtariartoromârpose puilavingmit piulijaunartomit.

Lit.

Nertortaudlarit, Gûde Anerneĸ ajungineĸ, Atâta Ernerlo illaliudlugik mãna issoĸangitomullo!

Arlorpunga Kaĸĸanut ikajortaunermik tikkiutjivigijamnut. Ikajortaunera Nâlekamit pivoĸ Kilangmik nunamiglo sennalauktomit. Tâpsoma ittikattit koitarĸoniangilait, serngnigijillo sinnilungilak. Nâlekab sappumijarpâttit; Nâlekab tachalinerivet aggakpît Kangaene.

Pillorikpoĸ tâmna Nâlekamik sivôrajoĸ, arvertartorlo tâpsoma apĸosiningane. Aggakpit sullijangit inôgutiksariniarpattit; pilloringnarmêk igvit issumanârpotit.

Arlorpunga illingnut, Kilangme iksivajotit. Ahâk, sôrlo kivgat angutit ijingita angajoĸâmik aggangit kamagingmagit, sôrlolo kivgat arnat angajoĸâmik aggangit kammagingmagit: taimak ijivut Nâlekamut Gûdiptingnut takkonârput saimarviĸarĸârtinaga uvaptingnik

Saimarvigitigut, saimarvigitigut, angijomik nachogijaugapta. Tarnivut tattadlarput piojorijut mittauteĸarninginnik pingijaitullo nachoninganik. Nâlekable sapputivâtit Kanoietunit tamainit; tarnît sappumijarpâ. Nalekab anninît sappuitivâ itternîllo mânamit issoĸangitomut

Lit.

Tuksiatsainaritse illũnainik pijarialingnik, anernikut tuksiarluse ĸenuvluselo; taimailiorĸovluse sorairase pigârmititse tamât ivsornaitut tamaita tuksiarutivlugit.

Lit.

Kaujimavunga illumne tamadja uvinimne ajungitoĸangitomik. Pijomaneĸ uvamnẽgalloarpoĸ, nãmaksivlugole ajungineĸ, tamanna nagvângilara. — Kristusemẽtoĸarpat, tâmna nutângortitauvoĸ, pitoĸaĸ itsungnairpoĸ, ahâk, illũnane nutângorsimavoĸ.

Lit.

Naglingneĸ erĸsinermik illaĸangilaĸ. Tamattomunga naglingneĸ nãmaksivoĸ uvaptinge, ĸuviasuteĸarĸovluta uvluksame erĸartuivingme.

Lit.

Tamainik tuksiarnipsingne ĸenuarijapsingnik okpituinaritse, tunidjivioniarapse tamakkoninga, pilârpasse tagva.

Lit.

Adsigêngitoĸangilaĸ, illũnatik idluitullilauĸput Gûdemullo nertortaujuksaunitik ajulerdlugo akkeĸangitomiglo 223 idluarsititaulerput tâpsoma saimarsautânut, piuliklernermut, Kristusib Jêsusib pijanganut. Nelliat tâpsomunga okpertoĸ kangusuktitauniangilaĸ. Adsigêngilungilat, attausẽnaĸ Nâlegaringmatsuk illũnatik, akluitoĸ illũnainut tuksiarvigijiminut.

Lit.

Inûb Erninga tikisimavoĸ, tammarsimajut ĸeneriartorlugit piulijartorlugillo. 224 Uvamnut pijoĸ annitinagolo ajaktorniangilara. Uvanga tikipunga, inôtsemik piksaniglo nãmaktunik peĸarĸovlugit. Uvanga mianersijôvunga ajungitoĸ. Mianersijoĸ ajungitoĸ inôtsiminik tunidjivoĸ saukat pivlugit. Sullele assinginik saugaĸuteĸarpunga, iglomit tamattomangat pingitunik. Tâpkoalo tamaunga pititsariaĸarpakka nippigalo tussaromârpât attautsimẽlutiglo kattimgajomârput, attautsemiglo mianerijeĸarlutik. Uvanga ĸangattartitauniaruma nunamit, illũnaita amuaromavakka uvamnut.

Lit.

Nâlekab attinga taivlugo tuksiartoĸ piulijaujomârpoĸ. Taimaimat oĸautsinut tussarnertunut ullapirsaut oĸâlautaurĸovâ illipsingnut, ungasiktomẽlauĸtose, ĸanitomẽlauĸtunullo, sillaĸsûb issungit tamaita Gûdipta piuliklerninganik takorĸovlugit. Tagva tillijaumajôvogut Kristuse simerdlugo. Gûdib uvaptigut kaiblarmasse. Kenuvogut mãna Kristuse simerdlugo: Gûdemut ullapirsartauleritsetôĸ!

Lit.

Gûdib Kristusemêdlune sillaĸsûb inungit ullapirsarpait ingminut ullapirsainartomiglo illumertilluta oĸâlarĸovâtigut. Oĸautsit tussarnertut tamakkoa Kristusemik pitsartuniovut Gûdemit, pilloriktillugit illũnaita okpertut tâpkonunga.

Lit.

Kuvianartoĸsôvut illa oĸalloriktut ittigangit, ullapirsaumik oĸâlajut ajungitomiglo oĸautjijut, piulijaunermiglo oĸâlajut. Okperneĸ oĸâlanermit pivoĸ oĸâlanerlo Gûdib oĸausinginit.

Lit.

Oĸauseĸ ĸanimnit annijoĸ sullinane uttertuksaungilaĸ uvamnut, idluarijakkale 232 piniaraksarivait nãmaksititaksarivlugolo suna pivlugo tilligapko.

Lit.

Nâlekab oĸausingit mikseĸârtôvut angersimaninelo nellautsititsainarpait. Jêsuse oĸarpoĸ: Kilaglo nunalo nungujomârpuk, oĸausikkale nungujomângilat.

Lit.

Saimanermut piulijaumavose okpernikut; illipsingnik taimaingilase Gûdible tunnergutâ tamanna; senamajigigaptigo, pingortitauvluta Kristuse Jêsuseme ajungitullerĸovluta, Gûdib sivorngagut âĸiksulaungmattigut, taimailiorĸovluta. Mãna tujormiangojungnairluselo takorngartaujungnairpose, ivsornaitulle kinguvângoĸatigivâse Gûdiblo iglungane iglomioĸatauvluse; igloliangomavluse 235 Apostelillo nellautaijullo tungavigijangannut. Tamattomunga Jêsuse Kristuse ujarauvoĸ terreĸôvlune.

Lit.

Taimaimat Gûdib annerimajangititut ivsornaititullo naglingnartutitullo attinialeritse õmamut nâpkigosungnermik inôtsiarnermiglo piojoringinermiglo ĸenuênermiglo kamangitsertornermiglo; illipsingnut illannârêkluse issumagijungnairtigêgitse, nellise erĸartuitiksaĸarune assiminut. Sôrlo Kristusib issumagijungnaivigilaungmasse, taimaktauĸ illipse pititse. Tamakkoale tamaita ĸângitigut attiniarsiuk naglingneĸ, tagva nãmaksinerub ĸellaksutâ. Ullapirsaullo Gûdemit pijoĸ attaniotẽnarle õmatipsingne. Tamattomunga ĸairĸojaumagivose, attautsemik timeorĸovluse.

Lit.

Ahâk, ânanaudlarmêk takorannidlarmêglo, ĸatangntigêt issumaĸaĸatigêklutik iglomioĸatigêkpatta. Tagvane Nâlegaĸ pitaĸatsainarĸojingmat saimartitaunermik inôtsemiglo issoĸangitomut.

Lit.

Gûde attanerivavut itsarnit, ikajornernik sunatuinarnik piniartoĸ nuname. Saugârsuk attaniovoĸ attanernut illũnainut Nâlegauvorlo nâlekanut illunainut tâmnalo illagivlugo annerimajangit sâlaĸaromârput.

Lit.

Kuviasûtigivara, Nâlekab nippiga ĸenunikkalo tussarmagit, siutine maningmago uvamnut; tamanna pivlugo inôsera nâvlugo nipliavigijomavara.

Lit.

Gûdible tunitjivigilise ajoĸsarungnairutiksapsingnik tamainik akluinerminut ânanaunerme Kristuse Jêsusekut, tunidjiviomajokut tamainik atâtanganut.

Lit.

Nâlegaĸ ĸaumanerivavut Nâlekab tâĸtoĸ ĸaumaniotipâ. Nâlegaĸ aiparivlugo sorsuktut pittarungnarpakka Gûdigalo aiparivlugo avaloĸsuit aptusârvigijungnarpakka. Gûdib pitsartuneĸartipânga.

Lit.

Iglutit ânanavaksôvut illa, Nâlegaĸ Zebaot. Tarnima Nâlekab iglorusingit tussugivait ĸêmitigvigivlugillo. Uvloĸ attauseĸ iglorusingnêdlune nãmanersauvoĸ uvlunit assinginit tausendinit. Upkoamik udsertorteojomangârpunga Gûdima iglungane akkunit inneĸarnermit Gûdeĸangitut iglungine. Pillorikput iglungne igloĸartut, tâpkoa nertutsainarpâtit.

Lit.

Saukatitut tamarsimajutitut ilauĸpose, mãnale sâgiarsimavose tikisimavluselo tâpsomunga sôrlo ujarĸamut ômajomut. Illipsetauĸ ujarĸatitut ômajutitut igloliangotitse tagva, igloĸsoangolerĸovluse anernelingmik 245 ajoĸertuijuksaulerluselo ivsornaitunik, tunitjijuksaurĸovluse tunergutinik anernelingnik Gûdib idluarijanginik Jêsuse Kristusekut. Gûdible tungavilianga sôngojoĸ aulajungnangerpoĸ imaitomik nellunaikutalik: Nâlekab pine illitarivait; imaitomiglo: Kristusib attinganik taisijoĸ idluitullinermik attorungnairle.

Lit.

Nâlekab Gûdipta illagilitigut, sôrlo atâtagijavut illagilaungmagit. Tâpsoma ĸemangniaratigut agganelo erĸitiniaranigit uvaptingnit, õmativut sangutillugit tâpsomunga, arvertarĸovluta apĸosiningine tamaine mallerĸovlutalo perĸojanginik illusiorĸojanginiglo idluarijanginiglo perĸolauĸtanginik atâtagijaptingnut.

Lit.

Kuviasudlaritse Nâlekame, idluartose; idluitailijut nertutsiaraksarivât. Piloridlarput inôĸatigêksuit Nâlekamik Gûdeĸartut. Tâpsoma illũnatik õmatingit senavait, piniarningit illũnamatsiatik kamagivait. Unatadlartunik noĸartitsivoĸ nunaĸsoarme illũnâne ullapirsauteĸartitsivlunelo kiglilervingine. Nekoĸsitipait saimanerminut nãmaksitillugillo perĸutinik.

Lit.

Kia Nâlekab piniarnersoangit oĸautigijungnarpagît nakorijungnarlugo nertornarninga tamât? Kujagijomavagit, Nâlegaĸ, attillo imgerutigivlugo ĸujalijutiksanik, attaneĸ saimarvigidlarangne ajungitullivigivlugolo mingoartitat. Tunidsivigivat õmatingata pijomajanganik ĸippilungilatillo õmatingata tuksiararijanganik. Koverivat saimanartunik, ĸuviasuktipat ĸuvianartunut kênavit sângane. Nâlegaĸ, ajungitullivigilauruk saimanartungortilugolo uvlut unuktut sulle.

Lit.

Idluarnerub nunaĸatigêt angijorortipait, idluitullinerle inuit nachonautigivât. Taimaimat kiglisiniarta nautsertorlutalo apĸutigijaptingnik sâgialerlutalo Nâlekamut.

Lit.

Nâlegaĸ, saimarveĸarnit saĸĸijârle uvaptingnut; ikajulauĸtigut! Tussaromadlarpunga Gûdib Nâlekab oĸauserijanganik, inuĸotine ullapirsaumik angervigingmagit. Illa, ikajorninga ĸannipoĸ sivôrajunut tâpsominga. Nunaptingne piloringnartoĸarletôĸ, pitsiarneĸ nertornarnerlo pârtigêktillugik, idluarnerlo ullapirsaullo kuniktigêktillugik.

Lit.

Iglutit ânanauvaksôvut illa, Nâlegaĸ Zebaot, iglutit ivsornaitoĸsôjut ĸilangme! 255 Piloridlarput iglumioĸatitit nertordlẽnartut illingnik!

Lit.

Ahâk inugiartoĸsoarnik kittitaujungnangitunik kimut, nellojunit tamainit inugasaksoarnillo ingmigolingajuniglo oĸauselingnit iksivautaĸsûb sângane nangertunik Saugârsublo sângane, annorârsimajunik ĸaĸĸortanik aggangmingnelo Palminik tigumiarlutik!

Ukkoa ĸaĸĸortanik annorâggit kikkût? nakillo pivât?

Ukkoa tagva kapianartoĸsoarmit pijut annorâtiglo ergortulauĸpait ĸaĸorsardlugillo annorâtik Saugârsub aunganut. Tamanna pivlugo Gûdib iksivautaĸsoangata sânganẽput kivgartulâllo uvlôtillugo unuarmelo 256 tempelingane. Iksivautaĸsoarmelo iksivajub ĸollangiarvigẽnarniarpait. Kênangalo takovât attingalo ĸaunginẽpoĸ. Kâgungnairlutiglo imerugungnairput, toĸolo itsungnairpoĸ, kiksarnermiglõnêt niplianermiglõnêt ânianarnermiglõnêt pijoĸarungnairpoĸ.

Lit.

Inugiartoĸsuit nippersoangit tussarĸisigîk? Imâk oĸarput nippersoarnut: Halleluja! piuliklerneĸ nakorijaunerlo 257 pitsartunerlo pigiligit Nâlekab Gûdipta! Engelillo iksivautaĸsoaĸ illumavlugo pâmaktervigivât tuksiarvigivlugolo oĸarput: Hailig, hailig, hailigeovoĸ Gûde Nâlegaĸ ajugaĸangitovitôjoĸ, ilauĸtoĸ tamattomanelo itoĸ ĸaijomârtorlo. Nakorijaunerlo nâlengnarnerlo sillatunerlo ĸujanarnerlo nertornarnerlo pitsartunerlo ajugaĸanginerlo Gûdipta pigiligit issoĸangitomit issoĸangitomut.   Amen.

Lit.

Saugârsuk toĸotaujoĸ nellopĸotijuksaungitoviksôjoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo.

Lit.

Imâk oĸarpoĸ Nâlegaĸ: Sâlaĸartoĸ kingormgujijomârpoĸ tamainik Gûdiginiarpângalo uvangalo erneriniarpara. Ahâk, mãnakassakut ĸainiarpunga akkiliutiksaralo neksarlugo. Piloridlarput perĸojanginik nâlektut, itertarvikut iterĸovlugit Gûdib iglugasaksoaĸotinginut. Saugârsûblo iksivautaĸsûb ĸerĸânẽtub pairiniarpait tessiorlugillo imiub ômanartub puilavinginut, Gûdiblo ĸugviornerit tamaita allarterniarpait ijinginit.

Lit.

Saimarsauteĸarlit illũnatik Nâlegaptingnik Jêsuse Kristusemik naglingniktut illungertorlutik!   Amen.

Lit.

Upkuaksuit nerrotosigik, upkuello sillaksoarme pôktosigik,

Ill.

attaneĸ nâlengnartoĸ itterĸovlugo.

Lit.

Igvit attaniôvotit nâlengnartotit, Kristusîk,

Ill.

Igvit Atâtab Erninga-ipotit issoKangitomik.

(Tuksiaruseĸarpoĸ)

Lit.

Ikajulauktigut, Nalegâĸ, piniarniptingne tamaine pitsiarnernut saimanartomut tessiorlutalo ikajortsainarnernernut nertordlerungnarĸovluta Illingnik piniarniptigut illûnaitigut piniartaujutigut Illingne, kingorlermiglo inôserĸarungnarĸovluta issoĸangitomik: Jêsuse Kristusekut Nâlegaptigut.   Amen.

Gûde Ajugaĸangitotit tunilauktotit Ernetuarnik Jêsuse Kristusemik angajoĸaulerungnarĸovlugo 265 illûnainik Illagêktoĸotingnut timinga-ivlutik, kitipaptigut inuĸotivit akkorngane nâpkiningnernut akkeĸangitomut saimanernullo: Anernît Ajunginît kovilauruktôĸ tunergusiaktut, uvagut ivsornaititaurĸovluta ajorniptingnit, sapputijauvlutalo okpernerme nâlengnermelo oĸausernut opigosugungnarapta Illingnik anernerme mikseĸarnermelo; Jêsuse Kristusekut Nâlegaptigut   Amen.

Gûdîk Atâtavut akluitôvotit nâpkiningnerme illûnainut nipliadlartunut illingnik Kemaijuipotillo nangminernik kigligiutsijoĸarungnairomairlutit saimartitaujunik sillaksoarme; Kujagivaptigit nippît tusalauraptigik tunitjirĸovluta inôsiptingnik pitsartuniptingniglo kivgartorungnarĸovluta nâlegauvingnik.

Kuviasuktitigut kittitaugapta kivgartortut illingnik akkorngane illagêngneĸarluta Erningnut, Kennuvigivaptigillo uvagut taipkualo ikajorĸattigêgungnarĸovluta pijomajat naglingnartoĸ sillaksoaĸ pivlugo piniartaur Kovlugo.

Nikkanarsârluta kigligiutsivogut 266 nangminiptingne pitsartuneĸanginapta sillatuneĸanginaptalo nâmaktomik piniaromavluta pijomajarnik; nerriungnivulle illingnêpoĸ pitsartuneĸaravit illisimaneĸaravillo tamainik. Nâlegak illagilauktiguttôĸ saimarlutalo saimanernut piniarnivut attingne nâmarĸovlugit sângnut; taimak tuksiarpogut Jêsuse Kristusekut, Nâlegaptigut.

(atuarsineĸarpoĸ Gûdib oĸausinginit)

(tagva Missionipta angajoĸânga Labradorime nangerpoĸ ajoĸertuijoksub sângane tâpsoma ajoĸertuijoksoaĸ oĸautivâ)

M. A. L.  

Illagêt Labradoremiut pivlugit Moraviomiôvluta Kennuvigivaptigit Ajoĸertuijoksôvlutit Illagêngnut Kattangutigengnut saimartitsirĸovlutit . . . . . . . . . . . . . . . . . . . . ajoĸertuijolerĸovlugo, pitsartunikkut tunijaujokut illingnut Kristusemut Illagêktoĸotinginullo; kigligiutsivungalo Gûdib Illagêktoĸotingitalo sânganne angut una, sorlo kigligiutsiniarmat, nâmamaringmat okperuserme okpernermelo katsungaimaringmallo tussudlarningane kivgartoromavlune 267 Kristusemik attausiovlune inuĸatinginut.

Ajoĸertuijoksoaĸ

Kristusib illagêktoĸotingita sângane, Gûdiblo attingane okperpunga kigligiutsingningnik piniarniarlunga pijomajat malliklugo.

(Oĸâlaneĸ ajoĸertuijoksoarmut.)

(Tuksiaruseĸarpoĸ)

(Illaget nikkoviput)

Ajoĸertuijoksoaĸ

Time attauseĸ, anerneĸ attauseĸ, sôrlotauĸ Kaiĸojaumagapse nerriugijaksaĸarluse attautsemik Kaiĸojaumanipsingnut. Nâlegak attauseĸ, okperneĸ attausek, baptijut attauseĸ, Gûde attauseĸ Atâtagijavullo tamapta, tamainut tâmna Nâlegaujoĸ, illûnapsigullo, illupsingnêtorlo tamapse. Illûnatale attunit saimarsaumik tunitsiviovogut Kristusib tunijinermine ôktutijanga malliklugo. Tâpsoma illangit Apostelingortilauĸpait, illangille nellautaijungortilauĸpait, illangit oĸautsinik tussarnertunik oĸâlajungortilugit, illangit pairsijungortilugit, ajoĸertuijungortilauĸpaillo, ivjornaitut nâmaktungortitaurĸovlugit kivgartûtiksaĸ sulliarijungnarlugo 268 Kristusib timiksanga âĸiktauvalliarĸovlugo; illûnata tikkitsiariluta okpernermut attautsemut illitarĸsinermullo Gûdib erninganik angutimariolerdluta Kristusib aglisimaringninga tikidlugo.

(Ajoĸertuijoksoaĸ ajoĸertuijuksamik oĸarpoĸ)

Kaiblarpaptigit issumaksarsiormarimirĸovlutit ajoĸertuijub sulliaksangita hailigioningat pivlugit katsungaijungnarĸovlutit piniarningne, nellâgornermelo ivsornainermelo ikajortaunersivlutit nikkanarsârnerme, Gûdemit sulliaksangnut. Uvagut tillijaumajôvogut Kristuse simerdlugo kivgauvluta Nâlegauviane nellonaijairĸovluta anerninganik kigligiutsivluta Kristusib saimaninganut inôsiptigut piniarniptigullo oĸâlarKovlutalo Oĸautsinik Tussarnertunik, ikajorlutalo malliktinginik illagêngneĸarĸovlugit

Ajoĸertuijoksoaĸ

Kaitsivêt ômatimik tunijaujomik tunijomiglo Kristusib Illagêktoĸotingita kivgartortauningannût?

Ajoĸertuijuksaĸ

Ahaila

Ajoĸertuijoksoaĸ

Oĸperĸêt Oĸautsinik Hailiginik piluartomiglo Oĸausermik Omajomik, Jêsuse Kristusemik, Nâlegaptingnik Nellonaijaijomik Gûdemut, pijomajanganullo inuit pivlugît?

Ajoĸertuijuksaĸ

Ahaila

Ajoĸertuijoksoaĸ

Kajusimarikêt oĸalatsainaravit Gûdemik Omajomîk?

Ajoĸertuijuksaĸ

Ahaila