Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Peter Rosegger

Kleine Erzählungen

Die Entdeckung von Amerika

Is amol an Mon g'wen, der hat an Oar kina stehn lass'n. Hat Kolumbas ghoass'n. Sogg zu den amal da Kini von Schbanien: »Kolumbas«, sogga, »mechst nit so guat sein und Amerika entdäicken!« »O jo«, sogg da Kolumbas, »däis kimmb ma grod recht. Ih bin jo da Kolumbas.«

»So gib ih dar a Schiff«, sogg da Kini, »säitz dih amal drauf und fahr zua!« Guat ist's. Da Kolumbas säitzt sih affi, a poar andri säitzn sih a zuhi, aft fahrn's zua.

Nach a drei Tagn kimmb vom Schiffsschnabl da Steurmon ins Kammerl zan Kolumbas und sogg: »Kolumbas, ih g'siach nouh nix ka Land net.« »'s Oar steht a nouh net«, sogg da Kolumbas, »fahrn ma weiter!« In vierten Toag kimmb er wieda vom Schnabl' da Steurmon, husi rennt er ins Kammerl zan Kolumbas: »Du, Kolumbas, ih g'siach nouh aliaweil nix ka Land net.« »'s Oar steht a nouh net«, sogg da Kolumbas, »fahra ma weiter!« A sou geht's nouh fuat a Stucka zehn Toag.

Da kimmb stad dar Steurmon daher: »Kolumbas, ih g'siach Land!« »Han ih däs nit allaweil g'sogg« sogg da Kolumbas, »mein Oar steht ah.« Wia's nachha drauf afs Land fahrn' da sein afn fäistn Boudn lauta schwarze Mandla umglaffn.

»Guatn Morgen!« sogg da Kolumbas, »valaub z'fragn: is däis Amerika?« »Ja freili«, sagn die Schwarzn. »Und säids es d'Neger?«

»Ja freili«, sagn's' »däis san ma' und du bist g'wiß da Kolumbas.« »Stimmt«, sogg da Kolumbas. »Saggra – mentscha« schrein die Schwarzn, »mir sein entdäickt!«