Schaust'n halt a bissl patschierlih oh,
der is noh ledig
und a kreuzbraver und recht a christlicher Moh
und hat an schön Hof
und vier Roß,
und Geld hat er aa grad gnua –
herentgegn aber ih, mei Gott,
laß doh mir mein Ruah!

Und dees sag ih dir: liaber an Kopf und's Gwand voller Läus,
als wia so a Weibsbild,
wo ma schoh ham koh ledigerweis;
und dees sag ih dir, wann dih ebber fragt:
Ih bin fei nia net in deiner Kammer gflaggt!