Und für'n heilin Sankt Hartl in seiner Kapelln
tean ma d' Rehböckerl stehln,
aber Rehböckerl stehln;
dees nimmt er net bös,
und er kriagt scho sei Meß,
Da muaß er zfriedn sei, was waar denn dees!

Und an heilin Sankt Hartl in seiner Kapelln
tuat der Weihrauch guat gfalln,
aber anderst guat gfalln;
den gebn ma eahm gern,
dem heilinga Herrn,
er werd für d' Wilderer schoh betn wern!

Und an heilin Sankt Hartl in seiner Kapelln,
dem müaß ma a Kirzn aufstelln,
wachserne Kirzn aufstelln!
Der braucht a Liacht,
daß er's aa siahgt,
wia daß koa Jaagersbua koan Wildschütz kriagt!

Und an heilin Sankt Hartl in seiner Kapelln
tean ma zum Schutzpatron wähln,
aba den müaß ma wähln!
Da Gugler Hans,
da Vößtn Franz,
auf dee is gschossn worn, san heunt no ganz!