De Hannes muß niwwer uff’s Landgericht,

Es hot in äner verklagt,

De Richter macht e strenges Gesicht,

Dann hot er zu em gesagt:

»Geschtäih’ is glei’ ein, sonst biste verlor’n,

Sechs Woche schtäih’n wäinigstens druff,

Du host’n Michel grob angefohr’n:

»Schaf, schteig mer in Buckel nuff!«

»0 mei, Herr Landrichter, jetz’ is genung,

Was macht de Michel fer Schträäch’!

Des is unner uns kä Beleidigung,

Des sage mer sou im Geschpräch;

Schteig ’n Buckel mer nuff, des is zum Vergleich

Grad’ so, als saget ich jetz’ iwwer Eich:

Adchee, Herr Landrichter!«

So sagt er, nimmt sei’ Kappe und gäiht,

An de Diehr’ hat er nochmol sich umgedräiht:

»Adchee, Herr Landrichter!«