Jetz’ houn se mich aus de Fabrik

Ganz äfach ’nausgeschmisse!

Des is der doch e schtarkes Schtick!

Des sollter mer noch bieße!

Wart ner, mer treffe scho’ noch zamm’,

Ihr nobele Bratefresser!

Gleicheit muß sei’! Ich sei vun Damm’,

Jawoll! un hou’ e Messer!

Jetz’ hou’ ich lang genug geschafft,

Jetz’ werd nix mehr getou’,

Von morge an werd bloo gemacht,

Des gäiht kä’ Mensch was ou’!

Ich bin e Ast am schtarke Schtamm!

Ich mach’ die Welt noch besser!

Ich bin e Sozi, sei vun Damm,

Jawoll! un hou’ e Messer!

Jetz’ kaaf’ ich mer e rout’ Krawatt’,

Rout’ Sacktuch in die Dasche,

Gäih’ iwwer’n Schteg ’nei in die Schtadt

Un trink’ e guti Flasche!

Un dann -, dann haach’ ich alles zamm’,

Schteck’ an die Pulverfässer!

Gleicheit muß sei’! Ich sei vun Damm,

Jawoll! un hou’ e Messer!