|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
An 'n Sündag weer 't mi oft, as weer mien Haart
Wiet in de Heimat flogen, mern in 'n Stried.
Als kööm 'k to Huus, mit hitte Kinneroog,
Mien Oellern luurn, 'k weer in mien Jungenstied.
Det schummer buten, unser olen Elw
Eer grise Rüller huud in Sneewind trok,
Mien Vadder smöök un lees, Moder vertel
Un prüün un nei eern Jung den Winachtsrock.
Ik se de witte Hand de Nadel röörn
Se lach mi to, ik se eer Lachen lang
Un wuß, 't weer al vöör mi, 't weer al vöör mi,
Un höl eer Schöört so fast, un sweeg un dank.
De Newel woker öwer Krat un Bööm,
De Heben stün in 't late Schummer geel,
Mien Vadder röög sik: Lene, 't waard wol Tied,
Se nükkop, lach mi to, lach in mien Seel.
Un güng un speel. De Tasten, gris un swat
Ik se de Tasten gliden, segend klung
De Avendandacht door den düstern Ruum,
Ik luur op Wör', ik luur dat Moder sung.
Dan höör 'k eer Stim, eer söte warme Stim
As Tower strööm de ole Melodi,
Ik wach un drööm un seeg dat Düster geel
Mi weer 't as keem 'n de Bööm sacht dichter bi.
De Geig föl in, mien Vadder speel so lies
Een stille Antwoord weer 't as sung 't in 't Reet,
Ik dach, uns Hergot müß door 't Düster gaan
Un hork in 'n Newelstreek ob Moders Leed.