Widdwidewidd De Figelin,
Lüfütelü
De Fläutje fien,
Dudeldideldi
Klar'nett so seut –
Dahl den Kopp un hoch de Fäut!
Runkderunk
De Brummelbaß,
Pottsdeuker, de verstaht kein'n Spaß,
Un Hürn un Trumpett Wuppnöttnött –
Wohr dick, Deern, de Bull' de stött!

Viechen un Dortchen un Lieschen un Lott
Man ümmer rundum, Deerns, Hüh und Hott.
Un Krischan un Jochen un Schors' un Fritz,
De Bein' ut'nanner, Jungs, Dunner un Blitz!

Derunkrunkrunk
De Brummelbaß,
De brummt un runkt ahn' Unnerlaß!
Schrummschrummwidewidd,
Fütelü, Dudeldit,
Figelin un Fläut',
Klar'nett so seut,
Trumpett un Hürn Nöttnöttwuppwupp –
Hei stött de Bulle, Deern, paß up! 204