De irste Schien up Bladd un Halm
Un Spatjer stimmt an sinen Morgensalm:

Hoffstäd un Feld –
Spatjer hürt de Welt!

Täuw man, dumme Bur,
Ha, schimp un kiek du man sur:
Spatjer kriegen tau faten,
Döskopp, dat fast du woll laten!

Nüms hat uns 'n Dreck tau befehlen!
Lat se man kamen un klappern un gröhlen,
Wenn't Kirschen giwwt, juchhe, fifat,
Pickt se uns doch weg, fleutjen jüm wat!

Wenn de Kirschen riep, och Kinners so'n Lewen,
'n Kirschboom is doch 'n Spatjer sin Hewen!
Ha, Bismakü, Bur, gah, wisch dick de Snut,
Du Snösel, kumm rup man, wie lacht dick wat ut,
Nimm Pusterohr, nimm Dunnerbüchs –
Drippst doch bietau, helpt all'ns dick nicks!

Un nu man los, burrt aff geswinn!
In'n Pastergoren rinn, 207
Up de Beeten van 'n Köster,
Nah de Koppel van 'n Föster!
Burrt aff, fallt in, griept tau grippsch, grappsch,
Proppt vull jück'n Kropp, stoppt in dicksch, dacksch,
Un all'ns, wat för de Lütjen nütt,
Nehmt mit tau Neest, nehmt allens mit!

Doch äwerst: Dilb jeppiipp scherpschilk:
Wenn kummt de Katt, wenn kummt de Ilk,
Wenn Häwsche kummt un Heckster, Schacker –
Halt stuhr jück, Kinners, halt jück wacker,
Furns um de Eck, fix up de Flünken,
Sicher is sicher, will mick bedünken:
Tau Wiem' nu, Kinners, tau Wiemen! 208