Die g'schickt'schte Schiffleut' die mer find't,
Deß sin die Schiffer vun Binge',
Un' sicht mer in Meenz e' hübsches Kind,
Wo is es her? Vun Binge'!

Ke' Loch is uf der ganze' Welt
So berühmt wie deß vun Binge',
Ke' Thorn so keck in's Wasser g'stellt,
Wie der im Rhei' bei Binge'.

Die Mäus' vum Bischof Hatto, sich!
Sin g'schwumme' bis noch Binge',
Ke' G'schicht' war je so ferchterlich,
Wie selli dort bei Binge'.

Un' die heilig' Hildegard die war
Halt aach drheem in Binge'
Un' war Aebtissin dort sogar,
Deß Alles war in Binge'.

Es is e' wahri Herrlichkeit
Deß liebe kleene Binge',
Mei' Vater und Mutter un' all' mei' Leut'
Ja mir sin all' vun Binge'!