Mei' Mädche' hot e' Herzche',
Es könnt' nit lieber sey'
Un wann ich brav bin, sächt se,
Schreibt se mein' Name' 'nei'.

Mei' Mädche' hot e' Paar Händcher,
Die ich ke'mm annre gunn',
Sie hot mer aach versproche',
Sie gebt mer eens d'rvun.

Mei' Mädche' hot e' Paar Füßcher,
Wie tanzt se do d'rmit,
Es derfe' hunnert tanze',
So tanze' se doch nit.

Mei' Mädche' deß hot Alles,
Was herrlich uff der Welt,
Nor Een's, du lieber Himml,
Sie hot kenn' Kreuzer Geld!

Drum soll ich se nit kriege'
Weil se kenn' Kreuzer hot,
Ach drüber werr' ich sterbe',
Dröscht' mich der liebe Gott!