Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Franz von Kobell
Gedichte in pfälzischer Mundart
Inhalt

Inhalt

Franz von Kobell
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

So sin' se.

        Es lege' sich zwee schloofe',
E' Bauer is der ee',
Der bet't, du lieber Himml,
Mach' morge' 's Wetter schee',
Dann sunscht is all' mei' Hoffe'
Un' all' mei' Luscht vorbei,
Mei' Heu werd' morge' trucke',
O schon' mer doch deß Heu! –
Der anner war e' Müller,
Steht schun drei Täg' sei' Mühl,
Der bet't: Ach wann doch morge'
E' rechter Rege' fiel,
Sunscht kann ich nimmer male',
Hab' jo ke' Wasser mehr,
O loß doch tüchtich regne',
Es is der Bach so leer. –

Es gehe' zwee' zum Jage'
Juscht uf cunträrm Weg',
E' jeder sicht vun weit'm
E' Wild in sein'm Geheg',
E' jeder bet't verstohle':
Nor deßmol gute' Wind,
Wer weeß, wann ich so herrlich
'N Rehbock wieder find'. –

Der Wind der soll halt blose'
Noch links un aach noch rechts,
'S soll regne' un soll schee' sey',
E' jeder anners möcht's.
So sin se halt die Mensche
Un jeder räsonnirt
Un was dem eene' recht is,
Den annere genirt.
Un klage' unserm Herrgott
E' jeder sein' Verdruß,
Es wär' so gar ke' Wunner
Käm' dem emol der Bschluß
Un thät se all' verschlage'
Tief in de' Bodd'm 'nei',
Dann so a ewig's Jammre'
Muß nit zum höre' sey'.
Un deß is doch des mehrschte,
Dann geht's 'm Schlingl gut
So hot er annre Gschäfte',
Als daß er bete' thut.

 

 << zurück weiter >> 
Impressum ∞ Nach oben ∞ Datenschutz