Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Franz von Kobell
Gedichte in pfälzischer Mundart
Inhalt

Inhalt

Franz von Kobell
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Der Name'.

        Wie woll' mer 's Mädche' heese'?
»»Ei Rösche', deß wär' schö',««
Ja ja, e' hübscher Name',
So lang se jung un' klee,
Doch werd deß Rösche' älter
Un' werd deß Rösche' alt,
So meen' ich, thut sich's nimmer,
Daß mer der Name g'fallt.

»»So heese' mer se Gretche',««
Geh' wech, warum nit gar,
Do wär' jo wege' dem Name'
Ihr Kopp in gröschter G'fahr,
Dann thät se emol lese'
Vum Fauscht die sauber' Gschicht',
So thät se aach so schwärme',
Wie selli im Gedicht.

»»So nehm' de' Name' Binche',««
Was soll dann Binche' sey'?
»»Ei Philippin' vun Philipp,
Der Name' der is fei'.««
– Nee, will mer aach nit g'falle',
Ich hab' so een' gekennt,
Der hot mich oft beschummlt,
Mer hot 'n Philipp genennt.

»»So heese' mer se Lische'.««
– Ja Lische', deß passirt,
Deß is e' hübscher Name',
Is aach nit affektirt,
Un' werd's e' alti Schachtl,
Ach wie's halt g'schehe' muß,
So kann se Lisl heese'
Deß macht ihr kenn' Verdruß, –
Kumm her mei' liebes Lische',
Ei guck nor, wie se lacht,
Gel' Schätzche', gel' der Vater,
Der hot's schun recht gemacht!

 

 << zurück weiter >> 
Impressum ∞ Nach oben ∞ Datenschutz