|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Lische, Lische; Halt e' bische, G'schwind e' Kißche! – »Nee, wann's Jemand sehe' thät« – Ei wie so, 'S is Niemand do Als der Bu, der nix versteht! (Kuß.) Un dem Kuß guckt eener zu, Un des war e' kleener Bu'! Dank for's Küßche', Un do lache' se und lacht darzu |
|
| ——— | |
| Sapperment, heut' git's e' Fescht, Johann! heut' git's was zu saufe', Des is uf der Welt des Bescht, 'S bleibt nit All' grad uf eem Haufe'! Wie die G'sellschaft voll gesoffe', Gripps die drei Bouteillcher ich, Denk mer, Georg jetz kummt's an dich Und bin mit d'rvu' geloffe', Hoscht du gar nix? – »Hab' aach eeni, Un was for eeni, Kee gemeeni, Chateau marcho, des ist e' Wein, Bruder heut' wolle' mer luschtich seyn; Ei der klee Bu', Do trink' Kleener, is gut for de' Maache', Wescht de, muscht aber derheem nix saache'.« – Un do horcht gar fleißig zu Un trinkt aach der kleene Bu'! |
|
| ——— | |
| Ei die Kränk' du Deublsweib, Meenscht, ich soll mein Geld verdiene' Nor so for dein Zeitvertreib, Soll nor als die Fedder spitze' Un de' Daach im Birro sitze' For dei' Haube' un dei' Spitze', 'S is mir aach der Rock zu knapp, Trach du nor e' Neb'lkapp! – »O du Fleechl!« – Was heescht de mich? Wart' ich kumm un zwiebl' dich! – – Un dem Zwieble' guckt still zu Aus'm Eckche' der klee Bu'! – |
|
| ——— | |
| Hocke' zwee alte Quatsche' beinanner, Wees als eeni mehr, als die anner Un sie rede' so hin un her, Des is e' Patron, do hab' ich Reschpekt, Was doch oft hinn'r eme Mensche' steckt, Der hot's fauschtdick hinner de' Ohre', Is als Heemtücker schun gebohre', Do steht er d'runne', horch' des Gekicher, Is vor dem Lump ke Mädche' sicher, Un deß Saufe' de' ganze' Taach, 'S wär' ke' Wunner, es träff'n der Schlaach, Sei' Fraa hot er um ihr Geld gebracht, Un jetz prichlt er se, wann se was sacht! – Un wen meene' dann die zwee Mit ihr'm prächtiche ABC? – Sich! deß war vor zwanzich Johr Der klee Bu', 's is werklich wohr! |
|