Un' 's is wahrhaftich grad als wär'
E' Zauberei drbei,
Dann Liedcher als un' Mädcher sin'
Drinn funklnachlneu.

Drum werd beim Wei' e' Alter aach
Als wie e' junger Bu'
Un' singt un' denkt e' rosig Kind
Als Schätzche sich drzu.

Drum werd er luschtich, weeß nit wie
Un' kümmert sich nix d'rum
Un' wann aach for die Schwärmerei
Die Zeite' lang schun 'rum.

Un' ebe' drum, so lobt 'n aach,
Wer je e' Dichter war,
Dann ohne Wein, du lieber Gott,
Wär's oft mi'm Dichte' gar.

O guter Wei', o braver Wei',
O hör' um was ich bitt',
Mit deiner liebe' Hexerei
Verloß nor du mich nit.

Un' daß ich, Freund, dich nit verloß,
Do kannscht de ruhich sey',
Ich bin un' bleib mei' Lebelang
Vun ganz'm Herze' dei'.