|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Wie ich noch in Humborch war, 'S werd drei Johr jetz sey, – Nee, es sin schun über sechs', Ebe' fallt's mer ei', 'S hot der Gabler noch gelebt, Der Feldwebl, weescht, Der war in der Cumpanie Sellemol der gröscht', 'S braune Lische war sei' Schatz, Die war emol schee', 'Meen', ich seh se alsfort noch Mit dem Lange' geh', Sin die Bube' aach schun groß, Eener der is hier, Is e' guter Waldhornischt, Bloost als wie e' Stier. »»No un wie d' in Humborch warscht?«« Ja! wie ich in Humborch war, – 'S is vun uns derheem Kaam drei Stund, deß heeßt mehr gehts In drei Stund bequeem, Wann mer über Erbach geht, Dann vun obe' 'rum Is's viel weiter, weil die Stroß So gewaltig krumm, – Ja wie ich in Humborch war, Hot's e'mol gebrennt, Beim e' sichre, – ei die Gränk Hot mer'n doch genennt, – Beim e' sichre Russilliard, Oder Millerbeer, Nee, es war beim Russilliard, War vun Strasborch her. Wie der Brand entstanne' is, Weeß mer heut noch nit, 'S war als wie e' Hexewerk Juschtement d'rmit, 'S habe' wohl die eene' gsacht, 'S wär' e' Buberei, 'S wär' geleecht, un 's kann aach sey', 'S war so was derbei; No, do sin zwee Häuser halt Worzwech abgebrennt, 'S war juscht mitte' in der Nacht; Alles ist gerennt Un' ganz Humborch hot gelöscht, 'S Lösche' war e' Kunscht, Wege 'm Wind, do is's ke' Spaß Um e' Feuersbrunscht. Ja, deß war juscht sellemol Bei dem Russilliard, – Wie ich noch als Adspirant In dem Humborch war. – – Ja mei' lieber Freund, so geht's. |