|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| »Schlof Kindche' schlof, Dei' Vater hüt' die Schof, Dei' Mutter hüt' die Lämmelein, Schlof mei' liebes Kindelein, Schlof Kindche' schlof.« Ach wann nor der Bu' emol schlofe thät, Es werd' schun finschter, es is schun spät Un um achte wär' ich so gar gern d'runne', Sunscht waart' jo mei' Liebschter umsunscht am Brunne', De' ganze' Daach, kee ruhichi Stund' Is doch eme' Mädche', wie mir vergunnt! – »Schlof Kindche' schlof, Dei' Vater hüt' die Schof.« – Ja willscht de dann gar nit schlofe' heut', Jetz sing' ich e' halbi Ewigkeit Und noch ke' Schlof un' noch ke' Ruh', Grad wie Quecksilber is der Bu'. »Schlof Kindche' schlof, Dei' Mutter hüt' die Lämmelein, Schlof mei' liebes Kindelein.« – Jetz' endlich werd's doch emol was sey', Gottlob und Dank, jetz' dus'lt er ei', »Schlof Kindele schlof, Dei' Vater« – horch', jetz' schlacht die Stund', Bal' küßt mei' Liebschter mir de' Mund, »Schlof du liebes Lämmelein, Der Vater hüt' die Kindelein.« – Jetz' still' un' sacht' ins Bettche fei', Sum sum, sum sum – jetz' legt s' 'n nei', Un schleicht so leis' als wie e' Katz' Zun Brunne' 'nunner zu ihr'm Schatz. – Und über's Johr, do singt die Magd Wie sunscht am Obe'd um en acht' Ihr »Schlof Kind'che' schlof,« Do singt sie's for ihr eige' Kind, Deß schloft aach nit so gar geschwind, Doch fallt's ihr weiter nimmer ei', Sie möcht' so gar gern d'runne' sey', Dann 's waart' uff sie do d'runne' Ke' Liebschter mehr am Brunne'. |