Als kleene junge Dinger,
Do spiele' se mit der Popp,
Die vornehm 'rauszuputze',
Deß habe' se glei' im Kopp.

Als große hübsche Mädcher,
Wie mache' se 's dann do?
Do sin' se selber Poppe'
Un' mache's grad' e' so.

Un' krieche' se als Madame'
E' Kleenes, o wie schö',
Do habe' se gar e' Püppche',
Deß plappert und kann geh'!

Deß macht erscht e' Vergnüche',
Es is jo nit vun Holz
Un' thut, hübsch angezoche',
Als wie e' Altes stolz.

So geht's vun eem zum annre'
Bis in der Großmamma
Un' wann mer 's recht betrachte',
So is 'was Gutes dra',

Dann sich! weil des Reich Gottes,
Wie 's heeßt, de' Kinner is,
So kumme' se all' in Himml
Die Weiber, ganz gewiß!