|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| E' Bankozettl un' e' Dukat Die sin' beinanner geleche' Un' weil se Langweil g'hat alle zwee, So habe' se plaudre möche'. Do stichlt der Zettl »du goldner Knopp, »Wie geht d'rs dann mi'm Tanze', »Ich möcht' wohl wisse, wie deß is »Mit so 'me schwere Ranze'.« Do sächt der Dukat »»'hab genuch getanzt »»In Humborch beim Roulette', »»Mer braucht nit zu sey' so e' Fledderwisch »»Wie du for Pirouette'.«« Do sächt der Zettl »e' Fledderwisch, »Deß brauch' ich nit zu leide', »Ich bin so viel un' mehr wie du, »Do derf' mer gar nit streite', »Un' wann de e' bische' Bildung hoscht, »Muscht' die Reschcripte' kenne', »Die mich un' mei' Kammrade' all' »Noch Rang un' Werth benenne'.« Do sächt der Dukat »»ich brauch' ke' Reschcript, »»Bin doch in Werth un Ehre', »»Du bischt Papier un' bleibscht Papier, »»Ich will mich nit mit d'r scheere'.«« Do hupt for Zorn der Zettl uff Un' kummt drbei in's Schwebe' Un fliegt uff de' heese' Ofe' hi', Der war zum Unglück d'rnebe'. Jetz hot er gegrische' un' 's hot nix genutzt, Er thut gar gschwind verkohle', Der Dukat hot gelacht un' hot 'm gsacht, »»Loß dei' Reschcript doch hole', »»Un' saach dem Ofe', wer de bischt, »»Er soll dich respectire', – »»Jetz' weeschts, de innerliche Werth »»Kann ke' Reschcript dictire'. |