Der Himmi hat a Paar Fensterln,
Schaugt aber koa Sternerl 'raus,
Hat aa koa goldeni Sunneuhr
Und macht ihm aa nix d'raus.

Der Himmi is a Hüttn
Und iust dees g'fallt mer dro',
Wie's drinn so schö' und liebli',
Ma' siecht's ihm gar nit o',

I moan' du kunnst's derrathn,
Was in den Himmi waar,
Ja ja es ist mei' Diendl,
Und die is so viel raar!

Und muaß i amal sterbn,
I gieb mi' willi' d'rei',
Wann s' grad mi' mit mein' Himmi
In Himmi laßn 'nei'.

Denn meiner muaß a Stückerl
Gar gwiß von den dort sey',
Und wo dees Stückerl fei'n thuat,
Da setz' i's wieder ei'.